عطاالله النديم

2010-05-08T11:03:00.000-07:00

2009-06-29T13:23:00.000-07:00

رسالة قديمة

الرسالة دى قديمة كانت من واحد صاحبنا لواحد صاحبنا برضه فى نفس الايام دى السنة اللى فاتت عشرينات يونيو 2008
:
عموما اسيبكم مع الرسالة
ـــــــــــ
فعلا يا ــــــ السياسة حاجة والوطنية حاجة تانية خالص
السياسة هي فن الممكن كما يقول أنور السادات أما الوطنية كما يقول أوسكار وايلد فهي فضيلة الفاسدين
السياسة هي مجهود واع وموجه قد يهدف إلى الخير أو إلى الشر لمصالح ذاتية أو لمصالح جماعية لتحقيق الحرية أو لقمع لحرية ولكنه في كل الأحوال مجهود واع ومنظم من اجل تحقيق الأهداف
أما الوطنية فهي مجموعة من المشاعر والشعارات التي قد تكون قناعا براقا يرتديه الفاسدون أو مجهودا عبثيا غير موجه يضيع في دوامته المخلصون لأنهم لم يتمكنوا من ضبط تلك المشاعر الرائعة بأهداف ذكية محددة تمكنهم من قطف ثمارهم المرجوة
إلى ــــــ
نحتاج مجهودك المخلص كثيرا ولكن اضبطي مشاعرك قليلا ولا تشخصني الخلافات
وإلى الشباب الرائع الذي أعاد لوطنه الأمل مرة أخرى وتشارك الحلم في أبريل ومايو ودمنهور والعباسية وعبدالخالق ثروت
دعونا نكمل الطريق ونحقق الحلم الذي صنعنا بأيدينا ملامحه

ـــــــــــــــــــــــــــــــــــــــــــــــــــــــ
مش هقول دلوقتى مين اللى كان كاتبها .. رغم انى بحبه جدا لكن احتفظ باسمه شوية .. اللى فاكر بقى :D

2009-05-01T10:59:00.000-07:00

رياح شمالية غربية تهب من نهاية يناير المنصرم

رياح تهب فى الطريق ... تنير لى بعضا من ظلمات الحارة التى امشى فيها و على صوت الريح اتحسس جدران الطرقات التى كان من المفروض المشى فيها منذ مدة

شكرا خاص للرياح الشمالية الغربية ... نتمنى فقط ان يكون الطريق قصير و ان تقل عقباته

2009-01-06T17:49:00.000-08:00

تظاهرة ضد كابتن ماجد

“انزل ياللا يا كابتن ماجد… فين الوعد يا حلو يا جامد”

“انزل ياللا يا كابتن ماجد… فين الوعد يا حلو يا جامد”ا

حتشدتُ مع المئات في الشارع على صوت هذا الهتاف، وقفت على أطراف أصابعي محاولاً اختلاس نظرة إلى من يتزعمون تلك الهتافات… لكنني لم أتمكن.. سألت أحد المتحمسين: “مَن كابتن ماجد؟! هل هذا تجمع لأحباء قناة “سبيس تون”؟!

”نظر إلي الرجل نظرة احتقار دون أن يجبني، لكنه صرخ متحمساً مستكملاً الهتاف.. “يا حلو يا جامد”.

اخترقت الدائرة بصعوبة وخرجت منها أطوف بها فوجدت فتاة تهتف برقة.. “انزل ياللا يا كابتن ماجد”.. فقلت لها هامساً: “لعله يبحث عن الكرة.. أو فقد جوربه فحشر تحت السرير بحثاً عنه ولم يستطع إخراج رأسه من تحت السرير”.. حينها نظرت إليَ بابتسامة رقيقة، ثم صرخت “بخْ”، فرأيت النار تخرج من فمها، وانهالت علىّ بصفعة قوية. فانسحبت سريعاً لا أصدق ما حدث لي، لكن الفضول جعلني أقف بعيداً أرقب هذا التجمع العجيب الذي لا يتمتع بأية روح مرحة

.فجأة وجدت أحدهم يرفع صورة ثم يشعل فيها النار، كانت صورة لشخصية كبيرة في السن ربما في الخمسين أو الستين من عمره، حينها توجهت إلى أحد المشاركين أسأله أن يشرح لي بعضاً مما يحدث.. فابتعدنا قليلاً ووقفنا في مكان يمكننا من رؤية الحشود التي تزداد تباعاً.قلت له: من هذا الشخص صاحب الصورة؟

أجابني: إنه الأستاذ ماجد.علقت متعجباً: لكنه لا يشبه الصور التي نراها في “سبيس تون”!!

صرخ بعصبية: هذا ماجد مدكور… رئيس حزب “أنا”. أكبر حزب معارض في البلد.

سألته مندهشاً: ولماذا تنادونه؟ ولماذا حرقتم صورته؟ وما علاقة هذا ب “سبيس تون”؟

أجاب وبصره معلق بالتظاهرة: حزبه يدَّعي أن لديه رؤية تقودنا إلى بر الأمان، وتصور شامل لعلاج مشاكلنا. لكنه لا يحرك ساكناً، والحكومة لا تعبأ بحاجات الشعب

سألته: ولماذا لا تنددون مباشرة بسلوك الحكومة؟ لم لا تضغطون على الحكومة؟

أجاب: نحن لم نهتف هتافاً واحداً ضد الحكومة، لأننا…قاطعته: من أنتم؟

أجابني: نحن حركة “بخْ” لمعارضة المعارضة. كل وظيفتنا الضغط على المعارضة كي تقوم بمهامها، فمن السفه أن تخرج شعوب مع كل أزمة لتصيح بنفس منطق القرن العشرين، فقد انتهى القرن دون أي تغيير يُذكر وأصبح تكرار المشهد مملاً.. الشعوب بطبيعة الحال جماهير عريضة لا تخطط لمدى بعيد، لكنها قد تعبر عن عاطفتها ورأيها، أما الأحزاب وقوى المعارضة فهي القادرة على وضع خطط عملية متصاعدة للضغط الحقيقي وتوجيه الشعوب نحو مسار فعال. فالحكومة ليست وحدها ظالمة، المعارضة أيضاً جزء من الكابوس، والشعب إن لم يتمكن من التعامل مع الحكومات فهو جدير بالتعامل مع المعارضة وإيقافها عن عبثها.

سألته بجدية: وما الذي لا يروقكم في المعارضة الآن؟

طلب مني الصمت.. فها هو أحدهم يمسك مكبر الصوت ليلقي كلمة في الجماهير:” أيها الشباب… لكَم تحدث حزب “أنا” عن امتلاكه رؤية للتغيير، لكن كما ترون… لا زال يشجب ويندد مثل أي طفل صغير في الشارع. المعارضة تتملص من مهامها، وتكتفي بأعمال احتفالية استعراضية حتى تخور قوى شبابها، وترضي عاطفتهم.. ثم تلكمنا في النهاية بنكتتها السخيفة، فالوضع أكبر منها وليس بإمكانها سوى الاحتجاج.نحن اليوم نحاصر بيت كابتن ماجد.. ترى هل سيقمعكم بأبناء حزبه؟ أم أن أغلبهم يهمس بما تصرخون به؟… أم أن أغلب هذه الجموع هي بالفعل من أبنائه المخلصين للوطن؟ إننا على ثقة أن أبناء حزب “أنا” سيعلنون العصيان على كابتن ماجد… ولن يتحركوا إلا في ضوء تصور مقنع فعال”.

انفجرت الجموع بالتصفيق…

قلت للرجل الذي كان يحدثني منذ قليل: لعل حزب “أنا” يخطط للمستقبل باعتبار الاحتجاج خطوة على الطريق؟

أجاب بسخرية: يا أستاذ الأحداث التي نعاني منها تتكرر سنوياً منذ عشرات السنين، لا يوجد أي شيء جديد أو مفاجيء، لا عذر لمن يريد التخطيط للمستقبل إن لم يفعل.. لكن المعارضة تنسحب من القيام بمهامها لتقوم بدور الجمهور العادي الذي يفتقد رؤية واضحة. حزب “أنا” لا يخطط إلا لمستقبله هو.

قلت: إذن دوركم هو إسقاط المعارضة؟

أجاب: ليس بالضرورة.. دورنا هو مقاومة الدجل، أن ندفع المعارضة إلى طرح حلول جادة بعيداً عن الخطب والشعارات الفارغة.

انطلق الهتاف“كابتن ماجد اشجب والعن… صوتك ساحر حلو يجنن”

قلت للرجل: لكن المعارضة عليها ضغوط قوية من قبل الحكومة، فلا تسطيع تنفيذ برنامجها.. والجماهير أحياناً تكون حالمة وتطالب بأمور خيالية.

قاطعني: اسمعني.. والحكومة أيضاً عليها ضغوط من المجتمع الدولي.. والمعارضة في نظرها ليست إلا مجموعة من السفهاء لا يدرون كثيراً عن الواقع.. إذا سلمنا بهذا المنطق فلن يتغير الواقع. نحن ندعو للتوازن.. للتحرك في إطار الممكن، وهناك الكثير من الممكن لا تفعله المعارضة في ضغطها، وبالتالي لا تنفذ الحكومة أيضاً الممكن الذي في سعتها.

فجأة صعدت الفتاة التي صفعتني لتلقي كلمة..

“يا كابتن ماجد.. بِخْ.. سنظل نضغط عليك وعلى حزبك… لن نضغط على الحكومة.. فهي لم تعدنا يوماً بشيء… لذلك لا ننتظر منها شيئاً إزاء ما نعاني منه.. لكنك وعدتنا أنك ستخطط لتقويض لامبالاتها.. والضغط عليها لتحقيق مطالب الشعب. فإن كانت تنقص حزبكم أقلام كي تكتبوا خطتكم.. فإليكم هذه الأقلام”.. رفعت الفتاة مجموعة من أرقى الأقلام وسط هتافات ساخنة.

“فين الخطة يا ماجد بيه… خِلِص الحبر ولا إيه”

ثم استطردت الفتاة: “ها هي المشاكل تتفاقم وأنت لم تفعل شيئاً، لذلك سيستمر الضغط على حزبكم لا الحكومة، لن نردد شعارات تندد بهذا الحاكم أو ذاك، سندد بحزبك ومعارضتك التي تدعي امتلاكها حلولاً وأن على الناس فقط أن تتبعها، لن نحاصر قصر رئيس الدولة لأننا لم نرجُ منه يوماً شيئاً، لكننا سنحاصر بيتك ونقض مضجعك، وسنلاحقك وحزبك بحملات تكشفكم أمام الشعب. أيها الشباب دعوكم من مقولة سنعري الحكومة فهي بالفعل عارية… واليوم هو يوم تعرية المعارضة.. فلتزجوا بقوى المعارضة من أحزاب وحركات إلى قلب المعركة، تلك المعركة التي طالما وعدت بها قبل كل انتخابات، لكنها مع كل أزمة حقيقية تدعي أن الوضع أصعب من أن يتم فيه الوفاء بالوعد. المعارضة تضللكم حين تدعوكم إلى الغضب من الحكومة.. أتغضب من اللص الذي سرق البنك أم من الحارس الرقيب الذي مكنه من السرقة؟! كلاهما يستحق السخط.. لكننا سنحاسِب أولاً ذلك الحارس. إذ لولاه ما تمت السرقة”.

شرد ذهني فلم أعد أرى سوى حركة شفاهها.. فقد كانت أذني هناك مع الهتافات“

كابتن ماجد إبن الإيه … جنب اللص يا روحي عليه”

هزني الرجل قائلاً: يا أستاذ.. يا أستاذ

أجبته: عفواً… الآن فهمت… أنتم تضغطون على المعارضة، ولا تتعرضون قط للحكومة..

قال: ليس بالضرورة أن نضغط.. فجرائدنا ومواقعنا الإلكترونية قد تعكس طلباتنا من المعارضة. لكن المعارضة إن لم تسع بجدية لمطالبة الحكومة بها بوسائل فعالة؛ فإننا نبدأ سلسلة من أشكال الضغط على المعارضة، ونستخدم كل السبل الممكنة لكي ترضخ لنا. أو نجبرها على أن تفسح الطريق لغيرها.

قلت: وبعد ذلك تبدأ المعارضة في حشد الجمهور عبر خطة للضغط على الحكومة، فإن لم تستجب الحكومة طورت المعارضة وسائلها، فإن استسلمت للحكومة قمتم مرة أخرى بالضغط عليها.

قال: بالضبط. بعبارة أخرى نحن نصعد سلم الغضب من أدنى درجاته، ففي الدرجة الأولى نضغط على المعارضة ونصب جام غضبنا عليها وحدها، وفي الدرجة الثانية للسلم تصب المعارضة بمساعدة الشعب -وفق رؤية واضحة- غضبها على الحكومة، وفي الدرجة الثالثة تصب الحكومة بمعاونة المعارضة والشعب غضبها على أعداء الوطن. هذه فلسفتنا لطبيعة عمل أدوات المجتمع في إدارة الغضب، فالمعارضة رقيب على الحكومة، وحركة “بِخْ” رقيب على المعارضة، وكما نطالب المعارضة بامتلاك أدوات فعالة للضغط على الحكومة، فإننا كرقباء على المعارضة نمتلك أيضاً أدوات فعالة للضغط على المعارضة لتقويم سلوكها أو إزاحتها.

قلت له مبتسماً: لِم لا نتجه للمشاركة مع هذه الجموع؟

فانطلقنا واخترقنا الصفوف. كانت الهتافات لازالت تتكرر“انزل ياللا يا كابتن ماجد… فين الوعد يا حلو يا جامد”

سألت من بجواري أن يحملني… أخذت أهتف:“حركة “بِخْ” يا كابتن ماجد….روح العصر…”

لم أكمل الهتاف … فقد أيقظني فجأة صوت المنبه… فتحت التلفاز لأتابع الأخبار متفقداً الجماهير الغاضبة لعلي أجدها بينهم.. تلك الفتاة التي صفعتني… لكن حركة “بخْ” لا أثر لها… اللهم إلا في أحلامي.دَخَلَتْ طفلة أخي الصغيرة غرفتي، أغمَضَت عيني بكفيها الصغيرين الناعمين تحاول بث الرعب في قائلة: “بِخْ”، رفَعْتُ يدها… وقبلتها… فقد رأيت فيها تفسير حلمي، فليس سواها فتاة “بخْ” المرتقبة. وأرجو ألا أكون الشخص المبشر بصفعة منها على وجهه يوم تكبر، فضلاً عن أن أكون “كابتن ماجد

ــــــــــــــــــ

من سلسلة ادارة الغضب الفعال

وائل عادل

أكاديمية التغيير

عايز احضر روح

2008-09-29T18:09:00.000-07:00

تلف الدائرة .. و تدور الدائرة المستديرة و المتناثرة عليها اوراق الجرائد .. و فى الخلفية السمعية ينبعث صوت لعلى الحجار و هو ييغنى اغنية ما كانت اغنية مسلسل ما

سمع كثيرا عن موضوع تحضير الارواح .. حاول تجربته مرارا و تكرارا ليبعث بشخصيات تاريخية اعجب بها ليتسامروا معا مبددين وحشة الوحدة لديهم .. ليته نجح فى تعلمها فعليا .. بل ليته ما تعلمها اصلا

انه الان يحاول التجريب .. لكن بلا جدوى .. الكتاب يقول الخلفية اغنية لموتسارت و هو واضع على الحجار .. الكتاب يقول ورق كوتشينة ... وهو واضع ورق جرائد ... الكتاب يقول شمعة خافتة .. و هعو يعتمد على اضاءة المصباح الواهن ذو اللون الاحمر الذى يملأ غرفته ظلالات عديدة و متنوعة تثير فيه الرهبة بدون اى شيىء و بدون اى مجهود

كان الوهن يملأ جسده .. لايدرى له سببا .. فلا هو صاحب مرض مزمن ... او حتى يعمل عملا مجهدا .. انه اصلا لا يعمل

كان الوهن يشتد عليه الان .. انه يشتد و يتحرك فى جسده كثعبان بدأ من ارجله و اخذ يمتد رويدا رويدا حتى وصل الان الى عينيه

فجأة

انسحب الوهن منه .. لم يعد يحس انه متعب و مرهق كما كان الان .. انه اصلا لم يعد فى المكان الذى كان فيه

هل نجحت التجربة .. لكن لو كانت قد نجحت كان المفروض ان الروح هى التـــ................. ولم يكمل .. لقد فهم .. اذا كان معنى ان التجربة نجحت وهو لم يعد مو جودا هنا و انما ذهب الى الروح و ليس العكس فالمفروض انه الان .... قد مات

لكن لحظة .. ما هذا القبو الذى يوجد فيه و الذى يمتلأ بالكتب و يوجد فيه مكتب و عليه محبرة و لمبة بنزين .. انه مكان لا يمت لعصره بأى حال من الاحوال انه على الاقل من اواخر القرن التاسع عشر .. بدأ بتصفح الورق المتواجد .. ما هذا انها بروفات جريدة لم تتماثل للطبع ايام ما كانت الجريدة مجرد صفحتين و شكرا .. ما هذا الاسلوب العجيب المضحك الساخر المبكى .. ان هذا الكاتب مبدع فعلا و ايضا من الظاهر ان الرقابة كانت تراعى تحليل لقمتها فى هذا الزمن فعلا .. لكن مش لدرجة انها تحبس رؤساء التحرير .. ماكانوش وصلوا للعربدة و المجون ده لسه .. اخرهم يقفلوا الجنال و الكاتب كمان ما كانش بيغلب .. كان له الف سكة و سكه ينفس عن مكنوناته .. كل عصر و له الانترنت و التدوين و الصحافة الشعبية بتاعته .. تبا لهذا الاستطراد

قلب فى الورق مرة ثانية .. وجد بروفات جريدة اخرى .. ايه ده الراجل ده ما كانش بيعتق و لا ايه .. الغريب ان اسلوب الكتابة ما اتغيرش فى البروفتين بس اللهجة هى اللى اتغيرت .. اللهجة بدل ماكانت مليئة بالايحاءات و السخرية و التلميح .. المرة دى صريحة جدا وفيها هجوم مباشر على سبب الداء كله .. اصبح بدلا من النظر بطرف العين توجيه الاصبع بحدة الى مصدر الشرور و ....

و انقطع عن حبل استرساله على صوت خبطات كثيرة و قوبة على الباب .. و سمع صوتا يتكلم بلهجة انجليزية لا تخطأها الاذن .. افتح الباب .. بوليس

!!!!

ما ذا يفعل .. الى اين يذهب .. لا بد انه احدهم اخبرهم انه راى و سمه شخصا فى الغرفة فظنوه المطلوب قد ظهر اخيرا

افتح الباب .. سوف نكسر الباب

ما ذا كان بفعل ذلك التعس صاحب تلك الغرفة التعيسة كاتب تلك الحروف الاتعس عندما كان يحدث له هذا

افتح الباب يا نــــــــــــــــــ

فتح عينه اخيرا .. وبدأ فى التلفت حوله .. كان ينتظر ان يجد غرفة الاستجواب و التى كانوا سيعذبونه فيها لينتزعوا عنه المعلومات عن الشخص الذى كان فى غرفته .. لكن الغريب انه وجد نفسه فى غرفته الاصلية

انها تلك الغرفة .. و هذه المائدة المستديرة .. و قطع الجرائد المتناثرة عليها .. و المصباح الاحمر المتهالك يرمى بظلالة اليائسة على بقع الظلام محاولا تبديدها .. و فى الخلفيه ينبعث صوت على الحجار و هو يغنى

- أدباتى .. أرجوز ( نديم ) صحبى و خلانى .. زجال مهرج .. مركب صوتى فى لسانى

it's so boring !!

2008-09-03T13:43:00.000-07:00

عارف انى مقصر اوى مع المدونة

عارف انى مقصر مع عيلتى و اصحابى خاصة من ساعة ما بقيت فى القاهرة .. حسيت انى موطنى الجغرافى اتقسم نصين .. نصف قاهرى و نصف منصورى .. لا اريد تفضيل نصف على اخر لاى سبب كان

عارف انى مقصر مع حاجات كتير .. وناس اكتر

مش عارف بجد مالى .. هل الحماس و النشاط مثل النار تتطفىء بالماء او بالكسل عن ازديادها

هل انا مبعزق نفسى فى كذا حاجة عشان كده مش عارف اركز فى ولا حاجة .. وبالتالى فقدت الحماس فى الحاجات الكتير دى

ادرك جيدا ان متعتى فى الحياة تكمن فى التعرف على الاشياء الجديدة .. التعرف عليها .. محاولة القرب من الاشياء التى لم اكن اعرف عنها اى شيىء

يعجبنى دراسة معينة ابدأ فى قراءات ليها لغاية ما اتشبع منها و ألف كمان كتاب

تعجبنى رواية معينة اقرأ معظم ما كتبه هذا المؤلف

احب العمل العام و النزول و التواصل مع الناس فى مشاكلهم الداخلية والخارجية ابدأ فى التحرك لهم بكل الطرق المؤدية لذلك

كل هذا تحليل ذاتى .. وتقييم لشهور قلة مضت من عمرى

ما هذا الملل الرهيب الذى يعترينى .. ادرك الان الاحاسيس التى يمر بها رفعت اسماعيل فى حياته .. لا ادعى انى عرفت كل شىء او وصلت لمرحلة اليقين

لكن اشعر بتلك المشاعر المضطربة المتتالية

كل ماقيل قد قيل من قبل مثله او اكثر منه

كل ما يفعل الان قد فعل من قبل مثله او اكثر منه

كل ما يعمله المرء قد عمل من قبل او اكثر منه

لا و كل ما يقرأه الواحد قد قراه الاف غيرى من قبل بل اكثر

ملل رهييييييييييييييب .. صحيح انى هواياتى و قراءاتى لسه مستمرة ولم تتوقف لا و بل تجددت ايضا لكن مازال هذا الشعور الرخم يراودنى .. ما الجديد الذى تفعله انت فى هذه الدنيا

تمشى و تعمل و تذهب و تجيىء و تفعل و تضحك .. بايخة .. كل الكلام ده اتعمل قبلك من اول ما ادم اتولد لغاية ما سيادتك شرفت

انا بتخيل دلوقتى ان الدنيا دى راجل عجوز وسانذ على عصاية و بيبص لكل واحد فينا وبيشوفه و هو بيعمل اللى بيعمله فى حياته .. وكل شوية يتنهد و يقول على رأى احمد خالد توفيق

!! it's boring

شكلى عندى اكتئاب حاد مش كده .. اهوه دا اخرت علم النفس بنفسن على نفسنا

2008-06-23T17:00:00.000-07:00

2008-05-31T15:14:00.000-07:00

محاولة للسباحة فى البحر الميت

أغمض المؤلف عينيه وامسك بيديه جانبى رأسيه معتصرا كل خلايا عقله البائسة التى أنهكها طول التفكير .. كان يحاول تأليف مسرحية لفرقته الصغيرة ذو السبعة أفراد هم إخوته الغير رسميين...لكن لم يكن التأليف هى المشكلة .. كان كل المشكلة انه يحاول إخراج نص و سيناريو و قصة رؤيتها تجعل الفرقة التى مازالت فى بداية طريقها الفنى تجعلها تصعد و تنجح و تلاقى صدى نقدى و اعلامى جيد ..
فكر و فكر و فكر ...
وأخيرا بدأ القلم يتخلى تدريجيا عن صومه و ينزل عن كبريائه التليد و بدأ فى التحرك على الورق المفرود على المنضدة ليبدأ فى رسم و خط فصول المكتوب المنتظر و الذى يظن صاحبه مثله مثل اى مؤلف آخر فى طور الكتابة و لم ير عمله النور بعد .... أن عمله سيهز العالم كله بأجمعه وسيهدم جميع النظريات التقليدية و يجعل منظرينها يتنازلون عن عروشهم الفكرية التى هرمت و لم يعد لها تأثير ..
...............................................
يفتح الستار ... ويرى تفاصيل خشبة المسرح و الرسمة الكبيرة التى فى الخلفية لتعطى بعض التأثيرات البصرية تصاحبها موسيقى لتكمل التأثير السمعى ليجعل المشاهد أذنه وعينيه و عقله مع العمل ليبقى الشيء الوحيد المتحرك فى وجهه هو فمه وهذا يتكفل به باعة الفشار على باب المسرح و بائعي المشروبات فى الداخل .. فأنت محاصر من جميع الجهات و ليس لك مفر إلا المتابعة حتى النهاية إلا إذا تقلصت أمعائك لأي سبب ما ..
المسرح فى تلك الرواية مقسم إلى جزأين جزء مظلم وآخر مضيء ويبدو انه من عنده سيبدأ المشهد الأول .. صدق ظني فعلا .. ها قد بدأت الأحداث تظهر لكن لم يظهر الأشخاص الذين سيمثلون الأدوار ولم تبدأ الأحداث من الجزء المضيء بل من النصف المظلم حيث ظهرت طاقة من النور انبعثت من مكان ما لتلقى بقذيفتها المضيئة على لوحة بيضاء فى الخلفية .. هل اخطأ المؤلف .. بدلا من أن يؤلف نص مسرحي ألف قصة و سيناريو فيلم سينمائي ؟!
دعنا لا نسبق الأحداث و لنرى ماذا حدث و ماذا سيحدث
............................
1 –
ارتفع صوت المدرس وهو يمسك الطبشور بيده اليمنى و العصا فى اليد اليسرى هاتفا فى حنق و ملل :
- وهكذا كان خروج الانجليز من مصر سنة 1956 يوم عزة وكرامة لجميع طوائف الشعب و ..........
قاطعه هذا الفتى الجالس فى المكتب الخشبي الأول المقابل للمدرس تماما قائلا بحماس :
- يعنى إيه يا أستاذ عزة .. و يعنى إيه كرامة ... ويعنى إيه طوائف الشعب مش الشعب كله حاجة واحدة ؟
زغر له المدرس و قد نفد صبره تماما فقد كانوا آخر حصة فى اليوم الدراسي و يومه كان مليئا جدا ويأتي فى نهاية الحصص ولد جالس طوال النهار ليظهر بأسئلته أمام أصدقائه بمنظر الذكي الفاهم المتبحر فى العلوم
رد عليه المدرس فى سخط :
- اقعد ياد .. ابقى اسأل أبوك و هو يبقى يقولك .. ده لو كان يعرف !!!
2 –
كانت الفرحة تكاد تتقافز من عيني الفتى اللامعتين التى امتلأت فى نفس الوقت بالدموع ... لقد نجح فى كل المواد بتفوق لكنه نقص فى درجات اللغة العربية .. لا يدرى كيف هذا.. لقد راجع الامتحان قطعة قطعة وسؤال سؤال ولم يجد أي خطأ فى إجاباته ... ذهب مع والده إلى المدرسة ليكشفوا عن ورقة إجابته فى تلك المادة ووجدوا الفاجعة .. لقد سقط في التعبير و مكتوب بالقلم الأحمر بيد المصحح صفر وتعليله تحدث الطالب فى أمور لا تتعلق بصلب الموضوع المراد التحدث عنه .. كان واضع الامتحان يريد منه أن يتكلم عن الإرهاب وعن أضراره و أسبابه وكيفية محاربته .. نظر الوالد إلى ابنه وقال له مندهشا :
- يا ولدى هذا موضوع سهل و اعرف انك تعرف عنه الكثير وليس من الصعب عليك التحدث عنه و أظــ....
قاطعه المسئول عن عملية إعادة كشف الورقة و هو يرتب بعض الأوراق الأخرى الموجودة فى نفس المنطقة من المكتب متململا :
- هذا صحيح سيادتك .. ابنك يعرف أشياء كثيرة و ويعرف عن الإرهاب لكن ما تكلم عنه ليس هو الإرهاب المعروف و المشهور من أصحاب اللحى .. لكنه تكلم عن الإرهاب الوقع على الفلسطينيين و العراقيين و إلا...... !!!
3 –
نفس الفتى الظاهر قبل ذلك مع الاختلاف أن ذلك الشعاع المطل من عينيه قد خفت و انطفأ من عينيه ... و انتقل اللمعان من عينيه إلى حذائه و شعره .. اقتربت الكاميرا من الفتى قليلا انه داخل الحرم الجامعي يجلس على سلم المدرج الكبير الذى تشتهر به كليته العتيدة .. كان يجلس و بجانبه زميلة له و يتحدثان وقد ظهر الجد على ملامحهما.. يبدوا أنهما يخططان لأمر جلل فعلا من هذا الهمس و التلفت الكثير .. انه يعتصر عقله كأنه قد نسى شيئا و يحاول تذكره ثم خبط سبابته و وسطاه فى حركة مفاجئة محدثا صوتا أشبه بضربة السوط الصغير ليدل على تذكره لأمر ما ..
اقتربت عندها السماعات منهما لتسمع ماذا يدور بينهما من هذا الكلام ..اقتربت لتسمع كلام الفتى يتحدث قائلا بحزن دفين :
- فعلا كان منظر موت الوالد أمس مؤثر جدا .. لقد جعلنى اذرف الدموع بلا توقف ... هذا الفنان يستحق جائزة الأوسكار فعلا عن فيلمه الجديد هذا و ............... !!!
...................................................
لقد أظلمت اللوحة المضيئة وسكن المسرح تماما.... ماذا يريد المؤلف قوله فى مسرحيته أو فيلمه أيا كان وسيلته الفنية فى التعبير عن مكنون تفكيره .. سكن المسرح لعدة ثواني ليبدأ هدير الماكينة مرة أخرى .. وتشتعل أضواء الجزء الذى كان مظلما و الذى كان يعرض فيه الفيلم منذ قليل .. ويظلم أضواء الجزء الذى كان منيرا قبل ذلك .. أظلم لينير بأضواء الفيلم مرة أخرى ...
.........................................
كان الجزء الثاني من الفيلم مختلف تماما عن الأول ... انتقلت الكاميرا لتنقل ندوة ثقافية تتحدث عن أضرار حرق قش الأرز السنوى و الذى تبدأ ندواته دائما مع بداية مهرجان حصاد الأرز .. كل سنة يقام هذا الحفل و يحضره هؤلاء الأشخاص المرتديين الباريه العقادي ( نسبة لعباس العقاد ) ليشعروا أو يشعروا من حولهم بأنهم مثقفين فعلا ..
فجأة خرج صوت من آخر القاعة لرجل عجوز يتابع هذه الندوة منذ البداية قائلا بوهن :
- لكن الماكينات التى سوف تهرس القش مكلفة جدا و تحتاج إلى ..............!!
انتقلت الكاميرا قاطعة كلمة الرجل العجوز لتذهب إلى مائدة مستديرة يجلس عليها أناس متأنقين ذو حلل فاخرة من النوع التى تجعل الرجل فاتنا ..
كان الحديث عن كيفية إشراك الناس التى تفكر و تعقل و تفهم و المثقفة فى أتون الحياة العملية للناس و جعلهم يحتكون بهم .. وكان الحديث ..
- لكن يا رجل .. المثقف يحس إلى حد ما بتفوق و تميز عن الناس العاديين أو على حد تعبير بعضهم الهامشيين .. كيف تحول هذا الهامشى فى عقل المثقف إلى شخص له وجود و شعور مثله تماما فقط هو لا يمتلك كم المعلومات التى يملكها أخوه هذا .. ألست معى ؟
- لا طبعا ... ليست المشكلة موضوع غرور أو استعراض عقلى .. لكن فعلا كلاهم معذور فعلا .. الشخص العادي الذى هو من العمل إلى البيت و من العمل إلى البيت والذى لايكسر عادته تلك إلا عندما يخرج إلى قبره ..
هو كل ما يعرفه أن عليه توفير قوته و قوت أولاده و أن محاولة لتغيير هذا المسار ستؤدى إلى تعطيله أو إلى قطع رزقه أحيانا فيرفع عندها لافتات كثيرة ليقنع نفسه ومن يجادله انه على الطريق الصحيح ..
أما المثقف أو من يحاول أن يكون مثقف فتلك حكايته حكاية .. فهو مثل من يحجل برجل مكسورة .. انه يحاول أن يوفق بين العمل ليوفر غذاءه ومسكنه وملبسه و بين الثقافة لغذاء عقله و مسكن ..... و ملـــ..............
.............................................
أوشك الفيلم على الانتهاء و استعد المشاهدين للتصفيق خاصة عندما بدأت الكاميرا فى الابتعاد عن المشهد و تبدأ فى تظليم الشاشة ... اقترب المؤلف من خلف الستار ليرى أثر عمله على المشاهدين .. هذا العمل الذى اقنع به أعضاء فرقته بعد ساعة من التبريرات و التعليلات و الاستدلالات حتى اقتنعوا على مضض .. وهذا من وجهة نظره ميزة المؤلف انه فعلا لا يظهر على الشاشة ولكنه هو من يمسك كل الخيوط من خلف الكواليس و لا يستغنى عنه فى اى مرحلة من مراحل إتمام العمل ..
ظهرت الآن كلمة النهاية .. ظهرت مع إطلالة المؤلف و محاولة رؤية الجمهور .. كل هذا توافق مع تصفيق المشاهدين .. أطل المؤلف و على وجهه ابتسامة عريضة محاولا تخيل رؤية وجوه أصدقائه الممثلين و هم جالسين مع المشاهدين .. أطل والحبور يملأ عينيه بقوة كبيرة مع صوت التصفيق .. وبنفس القوة تجمدت نظرة السرور مرة واحدة ..
فقد كان المشاهدين هم أعضاء فرقته فقط
جدير بالذكر أنهم كانوا يلوحون له بأيديهم مشجعين .. و ........!!!
ـــــــــــــــــــــــــــــــــــــــــــــــــــ
* ملحوظة : البحر الميت هو بحيرة كبيرة فى الأردن يقال أنها كانت مكان قوم نبي الله لوط .. ماء هذا البحر فيه خاصية غريبة .. انك تستطيع الطفو فيه بسهولة .... و مهما حاولت السباحة !!
- قد تعتبر هذه قصة قصيرة او قد تعتبرها كلام فلسفى .. المهم أن تعتبرها شيئا ما يصنف بعض الأشياء الأخرى !!

أحمد عطاالله النديم
مايو 2008

2008-05-26T15:39:00.000-07:00

عنى

عن القاهرة

عن العمل

و رغى اخر من نوعية الهراء التى لا تنفع ولا تفيد احد غير صاحبها

شهرين بالتمام و الكمال منذ جئت الى مدينة الملفات و الدورانات .. مدينة الزحام و الموجود .. مدينة السهل الممتنع ... القاهرة مدينة الالف حاجة وحاجة

شهرين فى محاولات للتأقلم و التكيف و التعرف و التبصر التام و المتفهم لكل ما يجرى من حولى و حول من حولى

من هواة اتعاب الذات اكون انا .. احاول تحليل كل شيىء يحدث من جميع النواحى و تجرى فى عقلى عند حدوث امر ما او كلام شخص ما - اقول تجرى حينها عدة تفاعلات بين تفسيرات نفسية و اجتماعية و فلسفية و احيانا تاريخية و ادبية ... لست ادرى كيف يتم هذا فعلا لكن هذا ما يجرى قد يصيبنى احيانا بالصداع و الاحساس باللا جدوى من هذا البحث المضنى عن هذا الشيىء الذى اذا عرفه الانسان و اكتشفه سيحس براحة غير طبيعية و يكف عن بحثه المستمر الغير متوقف عنه و الذى فى سبيله يتصارع و يتجادل و يتكلم من اجل الوصول اليه او على الاقل بالاحساس انه سيصل اليه

كنت قد بدات فى عمل .. و انا من فترة الاعدادى و انا اعمل فى فترة الصيف ..يعنى هو كان فى الاول رغبة والدى كتحبيب لى فى العمل .. و بعدها تطورت فى الثانوى انى كنت عايز فلوس اكتر من المصروف (جشع و طمع مراهقين بقى ) .. فى الجامعة لما دخلت كلية حقوق اجازة اولى ذهبت لمكتب محامى صديق لوالدى لاتدرب عنده .. يعنى كن عايز اطبق اللى كنت بادرسه ( اييييييييييييييه كانت ايام ... الله ما يعودها !! ) ... من اجازة تانية و لحد ما خلصت كنت انخرطت تماما و حتى النخاع فى العمل التطوعى و التنموى فى فريق صناع الحياة ... و خلصت او كنت شبه خلصت .. وكان لازم اشتغل فعليا و اعتمد الى حد ما على نفسى .. وكانت المكتبة

هى دار نشر كتب لها فرع فى القاهرة و اصلها من المنصورة .. كانت فكرة عملى فيها او اسباب اختيارى لعمل المكتبة عن سواه من الاعمال المربحة اكثر .. الى جانب عشقى اللا محدود و نهمى الى معرفة المعروف و الذى يعرف والذى لم يعرف بعد ... الى جانبها انك تبيع المعرفة و شيئا ذو قيمة فعلية و ثمينة لمن يشترى منك

كان محور كبير جدا ونقطة تحول ومرحلة تبدل معين على كل الاصعدة من عدة نواحى فى حياتى عندما اشتغلت مع المكتبة فى المعرض ... معرض القاهرة الدولى للكتاب

و كانت الثلاثة اسابيع التى قضيتها فى القاهرة .. لن اقول كانت من افضل ايام حياتى .. لكن كنت الى حد كبير سعيد جدا بها .. حتى عندما مدوا فترة المعرض عدة ايام كانت فرحتى لا تصدق مع ان كل زملائى كانوا يريدون العودة فى اسرع وقت و كان فرحى هذا يغيظهم جدا .. لن اطيل طويل فى ايام المعرض فلمن يريد الاستزادة الضغط على هذا اللينك

وانا فى طريق رجوعى كان هذا الاحساس اليقيتى بأنى راجع تانى للقاهرة .. لا اعرف كيف و لكن كان عندى شبه اليقين بهذا فعلا

يعد اسبوعين من المعرض رحت معرض تانى فى ارض كوته فى اسكندرية تبع مكتبة الاسكندرية كنت مسئول فيه عن جناح وزارة التقافة الجزارية يعنى كانوا بالنسبة لة فسحة عمل اكثر منها عمل فعلى

دا انا خلصت فى المعرض ده 9 كتب قراءة .. بس برضه كان الموضوع السفر والمعيشة فى العاصمة كان مسيطرا بقوة على عقلى طوال هذه الفترة .. الفرق ان التخطيطات كنت قد بدات فيها فعليا

بعد ما رجعت من المعرض قعدت اتكلم مع مديرى فى المكتبة و كان الاتفاق على ان اخذ اجازة اسبوع اظبط فيها بعض الامور الخاصة بى .. وبدأت الرحلة

اسبوع كامل من الرحلات المكوكية من المنصورة الى القاهرة و من القاهرة للمنصورة للبحث عن عمل و سكن مناسبين و يكون ملائما ايضا لاهدافى التى طبعا ليست مادية فقط طيعا ( و التى مازالت فى الشهرين رغم كل محاولاتى مادية بحتة ) يعنى يكونوا فى قلب العاصمة او قريبة من القلب على الاقل

اقول طبعا اسبوع .. الان تظهر كلمة اسبوع صغيرة لكن كل ما اتذكرها فعلا اتذكر الصعوبات و اصناف الاشياء و الموجودات و الاشخاص الين قابلتهم فى تلك الفترة العصيبة

قبل ما ابدأ رحلة السفريات طقت فى دماغى فكرة انى اعمل c.v لى يعنى اجمع كل اللى عملته فى حياتى و خاصة فى ال3 سنوات الماضية و هى الفترة التى تفتحت فيها خلايا عقلى و تطورت الى حد كبير و تغيرت شخصيتى وهذا هو لينك ال c.v و جمعت معا بعض الورق الثابت لبعض هذا الكلام

و نزلت

كان اول ميعاد فى مصنع فى 6 اكتوبر انا اول رحت هناك صممت انى مش هشتغل هناك لتنافيها مع اهم شرط للعمل ان يكون فى القلب او قريب من القلب لمتابعة الامور الاخرى التى من اجلها اتيت هنا

و بعدها و كان ماسورة اشغال اتفتحت عليا او انا اللى فتحتها على نفسى اقابل هنا .. واسيب السى فى بتاعى هناك ... مع توتر وقلق و خوف من ارجع فى نهاية المطاف خالى الوفاض الى المنصورة اغنى اتخنقت و طلعت كنت بضيع وقت

وكانت بداية الاستقرار الى حد ما بعمل فى سوبر ماركت بالزيتون كبير ذو 5 فروع .. لمدة اسبوع كاستعلامات يعنى باخد الاوردرز من العملاء .. وبعدها اترقيت او هكذا قالوها ترقية الى كاشير .. كانت فترة من عمرى ومن حياتى العملية و العمل الذى احس فيه لأول مرة باحساس الماكينة ( اللى طبعا هى بدون احساس ) .. وكنت مطالبا طول الوقت بالعمل المتواصل دون توقف و بدون تباطىء .. كنت احس دائما ان مديرى هنا يمسك سوطا و ترحمت على جدى الفرعونى بانى الاهرامات الله يرححمك يا جدو !! .. و ايضا كان التعامل مع الكاشير دائما بعدم ثقة .. تصدقوا انى كل يوم كنت كل ما أبدأ الشغل بسلم محفظتى لأن الكاشير ما بيعدش على الماكينة فى جيبه فلوس و ولو اتمسك بفلوس هيروح النيابة على طول !! مش بقولكم الله يرحم جدى

عمل ان كان افادنى بشيىء فهو افادنى بتصلب فى عضلات الرقبة .. والاحساس بعدم الاطمئنان و عدم الثقة حتى فى صوابع يدى ( وهى كلمة استطيع قولها الان بكل قوة .. نعم د تصل فى مرحلة الى مرحلة عدم الثقة فى صوابع يديك ) خلو بالكم من صوابعكم

الحمدلله .. لم يدعنى الله كثيرا فى هذا العمل الذى فقدت فيه الكثير من الاشياء التى كنت اعتز بيها و التى كان يحتقر فيه كل ما كنت اعظمه و اعتبره جيدا .. شركة برمجيات وهى من الشركات اللى كنت سبت فيها الc.v بتاعى عندهم اول ما نزلت عشان ادور على عمل و هانذا الان معهم الان من اسبوع فى مكان العمل فى مقر الشركة فى مول بمدينة نصر

حاسس ان فى تطور .. وفى تحسن اتمنى ان يكون الى الافضل .. لكن مازال ينقصنى تلك الاشياء الاخرى التى من اجلها اتيت فعلا هنا .. العمل و الشغل يجب التفانى و الاخلاص فيهم فعلا .. لكن يجب ان لا تنسى الجانب الروحى والشخصوى لك
الجانب المتعلق بالاحلام و الامانى و الاشياء الاخرى .. اتمنى اقترابها و باذن الله سأقربها قريبا

2008-05-19T15:29:00.000-07:00

الحل لم يعد فى اضراب ... الحل اصبح فى نزع حرفى الألف منه

2008-05-14T05:04:00.000-07:00

عندما تتحول الاغنية الى مدفع

من القلائل فى حياة المرء وعلى اذنه ان يستمع الى صوت شجى و مشحون بالمشاعر والافكار الملتهبة .. نادرا عندما تجد فنانا او شخص فى مكان لامع يتنازل بسهولة عن سبب المجد التقليدى فى الفن و ذاهبا ومتناولا قضايا يعزف معظم وسطه عنها او يتناولونها على استحياء واضعين يدهم على قلوبهم منها

انها جوليا بطرس على نفس درب اغانى فيروز الوطنية لكن بحماس وصارحة اكثرمنها .... و اغانى الشيخ امام مع تخفيف اوبعتبر ازالة السخرية ( النجمية ) منها و جعلها فعلا مادة لكل ذو فكر ثورى و مقاومى

تستمع لها فى بداية الامر و تعرف هذه الفروق .. فتشعر ان فكريكما متفاربا و يكاد يتمازجان و فى لحظة ما تكاد تتجدث بنفس المنطق

تقول هى :ايماناً منّي ومِن معظم أبناءِ الوطنِ والشعبِ العربي، ارتأيتُ أنّني أمامَ هذه التضحيات التي جَسّدت النصرََ من خلال هؤلاء المقاومين الأبطال وجميع الذين صمدوا في كافة أنحاءِ الوطن، ووفاءً لهم، علينا وعلى كلِّ عربيٍّ صديقٍ وشريفٍ، أنْ نبادرَ بالاهتمامِ والدعمِ لعائلاتِ كلِّ هؤلاءِ الشهداءِ الأبطال، وكلٌّ منّا وفقَ استطاعتِه وقدرتِه.لذلك قرّرتُ من خلالِ كلِّ ما ناديْتُ به بالسابقِ، بأنّني أستخدم فنّي من أجل غاية نبيلة

غريب اليس كذلك ؟

عموما هذه صفحة تعريفا على الويكبيديا .. بجد اللى بيسمع لها ما بيعرفش يتخلص منها ... شرط .. ان تكون افكارك فة نفس الاتجاهات

2008-05-07T05:58:00.001-07:00

الحلم المؤجل حتى ............. بجد مش عارف

لن اعلق كثيرا على اضراب 4 مايو ... و ما ( حدث فيه ) .. والكثير الذى (لم يحدث فيه ) حتى تحول فى نهاية المطاف الى هتافات داخلية و صراعات و نيران اشتعلت ... فقط فى صدور المهمومين

لن أعلق و اقول ان السلبية تكاد تحطمنا و تأكل الجزء الأكبر من احلامنا وطموحاتنا تجاه تلك الحياة الغريبة الصعبة و المؤلمة و القاسية فى احيان كثيرة علينا

لن أتكلم كثيرا واتحدث على تفضيل المعظم منا الكلام و كيفية تزويقة و حشوه بالادلة الجدلية و الممنطقة له بحيث يدحض به الاراء الاخرى - اللاسعة - على رأى احدهم ربنا يشفيه و يزيح عن دماغه قبيلة الصراصير المتوطنة فيها منذ قرون

حلمنا .... وحلمت

تألمنا ... وتألمت

أحبطنا ... ولم أحبط ولن باذن الله

تلك نصيحة من الان .. كل شخص يعتمد على نفسه و يحاول ان يغير فى المكان الذى يوجد فيه الى الافضل .. بالقدر الذى يستطيعه

احرق صندوق الشكاوى و الاقتراحات

دع الطلبات و الرجاءات

كن انت ما تريد .. ولا تنتظر ان يجعلك أى شخص مهما كان فى ما تريد - لو كنت تفهم ما اريد قوله

نعم ستكون ماشى بدماغك ... أمال يعنى هتمشى بدماغ الناس و لا ايه

دى لوحة كنت عاملها ليوم 4 مايو .. بس للاسف لم يتح لها ان تفتح و تظهر لأنه اصلا لم يكن اى شيىء اصلا

2008-04-23T17:44:00.000-07:00

يا مسهل يا رب

اخر أخبار يوم23أبريل .. النهاردة يعنى الاربعاء

هام وعاجل جداً

أخيراً إسراء خرجت الآن الثامنة وأربعين دقيقة مساء

و ....

هي الآن.....

تتوجه إلي منزلها

2008-04-19T18:24:00.000-07:00

الكلاب ولاد الكلاب اعتقلوا اسراء تانى قبل ما تطلع اصلا

2008-04-15T06:09:00.000-07:00

اسراء خرجت بالسلامة يا جدعان

عندما يتحول شخص الى رمز يشعر الناس انه يمثلهم امام الظالمين
عندما لا تشعر بسعادة او هناء صافى و هو مظلوم و مضطهد و انت مرتاح نسبيا
لا أريد الاطالة حقا .. فأنا فى حيرة مضنية
بين الفرح لخروج اسراءعبد الفتاح و نادية مبروك وبين الحزن للحكم على خيرت الشاطر و رفاقه فى العسكرى من 3 الى 7 سنوات كأنهم هما اللى غرقوا العبارات او حرقوا القطارات او نهبوا البنوك
قلت انى لا اريد الاطالة
مبروك و الف حمدلله على سلامة اسراء
و ربنا على الظلمة و الطغاة

2008-04-14T05:56:00.000-07:00

من 8 أيام و الى مدة لا ادرى مداها .. سأتناسى ذاتى قليلا

بدأ كل هذا مع اشتراكى فى جروب 6 ابريل و كان

هذا فى اواخر مارس .. لم اخذ الامر بجدية كما كان معظم المتخوفين ان يكون هذا حلقة فى مسلسل الاحباط المجتاح محاولات النهوض المصرية .. وكانت من هنا المراقبة عن كثب و ملاحظة التطورات

الى ان كان باقى هناك يومان و بدأت اسمع اخبار الاضراب من الناس العاديين الذى كل همهم البطيخة والجرنال ( الكلاسيكيين ) اللى ما لهومش فى اى حاجة

انه التشكل المادى والملموس لكلام و طق حنك .. وبدأ الانفعال يجتاح الواحد .. هل احسست فى مرة انك تعرف كل ما يتكلم عنه الناس عنه الان كأنه خبر جديد

ليلة الاضراب هرعت الى السيبر اللى بجانبى لاعرف اين ستكون الوقفات الاحتجاجية .. وكان معظم الاجماع على ميدان التحرير ..وكفاية قالت انها هتعمله ادام مجمع المصالح الحكومية فى الجيزة .. ومجدى حسين قال انه هيتكلم مع الناس بعد الظهر فى جامع عمرو بن العاص

و ... لم استطع النوم هذه الليلة

لم انم اطلاقا .. و باءت كل المحاولات بالفشل التام

لم استطع ان اتخيل ان مصر بعد عدة ساعات ستكون شيئا اخر .. و اخذت فى التخيل انى سأجد الشوارع خالية .. و ان من سينزل هو من سينزل الى الوقفات الاحتجاجية فقط

فضل عقلى يذهب و يجيىء .. و الفكرة قاعدة تتمرجح ادام عينى زى الخايلة الكدابة

و بدأ الصباح يعلن عن نفسه و بدات الابواب تفتح و اذا بالناس تخرج عادى جدا الى عملها .. نزلت عشان اشترى فطار باكرا على غير العادة .. ولكن كنت اريد ان انظر الى وجوه الناس اللى نازلين كأنهم مش حاسين ان فى حاجة عايزة تتغير وانهم بيدفعوا تمن المواصلات اللى هيدفعوها النهاردة دى بالعافية

و .... الباقى قريبا

صور الاضراب اللى عرفت اصوره يومها

2008-04-09T07:51:00.000-07:00

اسراء عبد الفتاح .. جان دارك مصر

2008-03-29T07:19:00.000-07:00

العصيان المدنى هو ..... الحل

2008-03-28T06:50:00.000-07:00

و أخيرااااااا هنا فى القاهرة

بعد اسبوع كامل من السفريات المكوكية لايجاد العمل و السكن المناسبين

أخيرا اصبحت هنا
هى القاهرة الى الابد .. رغم صعابها و زحامها و تعبها
القاهرة الى الابد و لو ذهبت الى مكان اخر .. سأرجع لها مرة أخرى
الى الأبد

2008-03-21T07:22:00.000-07:00

نجححححححححححححححت

نجحت يا بشر

وبقيت ليسانس حقوق

2008-03-20T10:41:00.000-07:00

يتعدد مفهوم المولد النبوى بالنسبة لجميع الناس .. كل يأخذها على طريقته الخاصة

فمنهم من يعتبرها أجازة و تزويغ يوم من الشغل و الجلوس فترة زيادة على القهوة

ومنهم من الذين يعملون فى الاعمال الخاصة بدون اجازات يعنى فهو يتحسر و يمصمص شفتيه ناظرا الى صديقه العام الذى يأخذ أجازة عكسه

و منهم من يكون قضى ليلته فى البحث عن مكان لبيع حلاوة المولد الجيد .. والجيد ايضا يختلف عند الناس فمنهم من يعتبر الجيد هو الاشيك و الاضمن و الكلام ده .. ومنهم من يعتبر الجيد هو الارخص يعنى موسم و لازم يتقضى

وبين افلام " فجر الاسلام " و " يوم الهجرة " .. و " شلت يدى ههههههههههههههههه ..انها سليمة " .. و الحاجات اللى حمضت دى و اللى مستخسرين يغيروها و يطلعولنا شوية افلام تانية .. لكن دى عاملة زى العاشورا .. مش بيتعمل العاشورا فى يوم عاشورا .. يبقى لازم نتفرج على فيلم" الشيماء " فى يوم المولد النبوى ... وانك لا تهدى الأحبة والله يهدى من يشاء

يعنى هى اقل حاجة المفروض ان الانسان يعملها فى اليوم ده .. يتخيل اد ياه عظمة الشخص بتخلى ليوم ميلاده عظمة تانية .. عندما تترك بصمة فى حياة الناس من حولك و ترفض ان تعيش كما يعيش كل الناس .. أكل ونوم ... الخ من التى يفعلها اى كائن على وجه الارض .. عندها يمكن فعلا ان تقترب و تتفهم معنى ميلاد النبى عليه الصلاة والسلام

يا رب العام الجاى الواحد يقدر يقول انكم تكونوا بخير عن العام ده .. كل عام وانتم افضل من قبله

2008-03-13T08:15:00.001-07:00

يا مســــهل يـــــــــــــــــــــــــــــــــــــــــــــــــــــــــــا رب

2008-03-09T09:54:00.000-07:00

الفيلم ده معلق معايا اليومين دول

...........................................................

مش عايز اعلق حاليا

او مش عارف اعلق

يعنى .. سأؤجل التعيلق مؤقتا

2008-03-02T13:42:00.000-08:00

عن ميكيافيلى اتحدث .. سامعنى

تلك بعض المقتطفات من كتاب الامير الذى فعلا تم ظلم مؤلفه على مدار السنوات و حصروا فكره كله فى مدق ( الغاية تبرر الوسيلة ) .. هو كتاب فعلا متوجه لأمير ايطاليا فى عهده حيث كانت ايطاليا مفككة وتحتاج التوحيد على يد قائد حقيقى

سأذكر بعض المقتطفات التى أعجبتنى فى الكتاب ثم بعدكم اترككم مع تعليقات الاخرين العظماء عليه

- طرق الارتقاء بالامارة طريقين : اما الغدر او الخديعة ( الانقلاب يعنى ) او عن طريق التأييد و تزكية المواطنين ( الانتخابات يعنى ) .. راجل صريح جدااااا

- الغدر والخيانة ؤقد توصل للسلطة لكن لا توصل للمجد ( عبد الناصر ومهاتير محمد ) .. يعنى

- على المحتل الجديد لأى مقاطعة ان يفكر فى التدابير اللازمة للقيام بأعماله الشنيعة مرة واحدة بدلا من ان يضطر لفعلها يوميا ( اليهود و مجازر دخولهم فلسطين .. محمد على و مذبحة القلعة - بس هو ماكانش محتل ) .. تطبيق حرفى

-ليس معقول ان يخضع القوى للضعيف عن طيبة خاطر او ان يعيش سيد و هو مجرد من السلاح فى امان بين اناس مسلحين فهم ينظرون له باحتقار و هو يعيش بينهم فى خوف .. كلام معقول و اكيد مفهوم

- على الامير ان يغذى روح الخوف بين رعاياه .. عمار يا داخلية

- هناك ثلاثة انواع من العقول : عقل يدرك الاشياء كما هى .. و عقل يفهمها بعد شرحها .. وعقل لا يفهمون اصلا

2008-02-25T14:29:00.001-08:00

من قلب الحديد الصلب .. ينبت الورد و الأزهار

بجد منظر اثارنى وعجبنى خاصة انه فيه لمحة رومانسية كلاسيكية اوى

.....................

حصريا على عطاالله النديم ( اول حاجة حصريا نياهاهاهاها )

مباشر من الاسكندرية من سكة حديد الترام اللى فى شارع الاسكندر

2008-02-25T14:09:00.000-08:00

بن باديس .. الراجل ده خرافة

أعترف الان انى اجهل اشياء كثيرة فعلا .. هناك من الشخصيات و الاسماء التى لا تعرفهم اطلاقا و يكونوا اشخاصا مؤثرين و محركين لتلال الجمود و التحجر فى اوطانهم

الخالدين

العظماء

لن اقول ماذا فعل هذا الرجل فى الجزائر .. لو وضع مع مقارنة مع محمد عبده فى مصر .. لفاز بن باديس .. على الصعيد التنفيذى لأفكاره الاصلاحية المستنيرة

سأنقل فقرة كاملة له .. فقرة اثرت و جعلت النفس تحس الى حد كبير بافتخار و عزة ان كان يوجد فى يوم من الايام شخص بمثل هذا العقل

يا أيتها الامة الكريمة ايها النواب الكرام

اليوم وقد يئسنا من غيرنا .. يجب ان نثق بأنفسن

اليوم وقد تجوهلت قيمنا .. يجب ان نعرف نحن قيمنا

اليوم وقد خرست الافواه عن اجابة مطالبنا يجب ان نقول نحن كلمتنا

اليوم و قد اتحد ماضى الاستعمار و حاضره ..يجب علينا ان تتحد صفوفنا
تناسوا الحزازات
امحقوا الشخصيات

برهنوا للعالم أنك أمة تستحق الحياة

2008-02-24T13:48:00.000-08:00

انزع ميزة .. ستخلق ميزة اخرى

لماذا معظم (90 فى المائة ) من المبدعين و المفكرين و المؤثرين فى تاريخ البشر والانسانية .. كانوا فاقدين لجزء من الاجزاء العادية .. اما ( عاهة - عدم استقرا نفسى ) .. و جزء كبيير منهم كان عنده امراض نفسية ( شعور بالنقص - شيزوفرانيا - بارنويا العظمة . أو الاضطهاد )

يعنى بعض من تلك الاسئلة المحيرة الباحثة عن جواب .. او هى بمعنى اصح تحتاج الى تأمل اكثر منه بحث

2008-02-23T11:37:00.000-08:00

I'm .... In Alex !!!

حقق ذاتك فى مدينة الصعاب... توجه الى القاهرة

لتحصل على راحة بدنية و عصبية .. اذهب للاسكندرية

لترتاح بين احضان اهلك و عائلتك .. يجب ان اكون فى مدينتى العزيزة .. المنصورة
كلاكيت تانى مرة .. بعد الانتهاء من معرض القاهرة الدولى للكتاب من اسبوعين .. استطعت بنتورة كلام و كلمات فى الهواء ان اكون فى معرض مكتبة الاسكندرية الدولى للكتاب كعضو فيه .. برضه .. بس مش تبع دار النشر بتاعتنا .. تبع وزارة الثقافة .. لا مش بتاعتنا طبعا .. تبع وزارة الثقافة الجزائرية بالتعاون مع مجموعة ناشرين هناك .. اللى ودانى هناك .. كل القصة ان صاحب دار منهم صديق صاحب الدار بتاعنا .. وبس العملية مشت على هذا المنوال

هو عموما المعرض مدته اسبوع .. و النهاردة كان اول يوم رسمى هنا

الواحد كان فاكر انه الى حد ما عارف حاجات كتير .. فى الجناح الى انا فيه ووسط الكتب الجزائرية دى كلها حسيت انى ولا اعرف اى حاجة .. بس ده عامل مستفز لى اكثر منه محبط .. الحمد لله وسائل اتعاب النفس و وحبى لبهدلة لا تنتهى .. غاوى بقى هعمل ايه

.............................................

مش عارف - هو - حاسس انه بيتلور فى مخى .. ازاى بيتبلور انا مش عارف .. طب بيتبلور ليه برضه مش عارف .. المهم عارف انه بيتبلور وخلاص .. اهم حاجة انا اللى ما تبلورش فى الموضوع ده كله

2008-02-20T11:19:00.000-08:00

كلام شخص بيستطب لعقله نسخة ويندوز

هو بيننا لكنى اخاف و اقلق من الكلام عنه

هو موجود .. لكنه ان وجد يغير اشياء كثيرة

هو محسوس .. و كل مشكلته فى انه محسوس

هو غير مرئى .. لكن اغلب المرئيات عنه

هو يعطل الطموح ... هو يجعل الاهداف دنيوية فقط .. هو جميل لكن كل مشكلته فى جماله

ان حدث يحدث فجأه و بدون مقدمات اذا لم تفرمل ستكون العواقب وخيمة .. و تكون بدلا من التطلع لأهدافك العظيمة التى ستكرس حياتك من أجلها الرجوع الى ما يكون عليه كل البشر منذ فجر التاريخ

لماذا دائما الكلمات ذات الحروف الصغيرة معانيها أخطر من الكلمات الكبيرة

؟؟؟؟؟؟؟؟!!!!!!!!!!!!!!

موضوع غريب فعلا .. انه من الموضوعات للاسف المشفرة .. يجمع بين الخوف منه و الرفض له .. ليس رفضا تاما .. لكن ليس فى اى وقت .. او بمعنى اوضح ليس فى مرحلة بناء الشخصية و تحديد طرق الحياة للانسان

لا اريد الكلام عنه فعلا .. لكن احيانا يفرض التفكير فيه .. لست ادرى لماذا .. قد اكون طوال الوقت مسجونا فيه و لا ادرى .. و اكون مثل من يريد الشيىء و يتمنع

لست ادرى فعلا .. لكن على الاقل ادرى شيئا واحدا .. ان العقل و الاقتناع و الفهم الذى وضعته منذ مدة منارة لحياتى القادمة هو الذى سيكون سندى مع .. هو

قد يكونوا مخالفين له من حيث طبيعته و نوعه .. لكن هم من سيبقوا لى .. وانا - بلا غرور - شخص يحترم عقله .. واعتبره بجد اعظم هدية لى من الخالق الى

احب السماع عنه .. لكن ليس بدرجة تجعلنى اتمناه و احس بالاحتياج اليه

هو .. لا اريد الحديث عنك فى هذه الاوقات فعلا ... لا أريد ان ينزل مكان تفكيرى الى اسفل قليلا .. ولا اريد ان اتصنع و جودك عندى فعلا ..و فى نفس الوقت لا اريد انتزاعك

اريد فعل اشياء كثيرة جدا .. و انت فعلا ستعطلنى عن ما ابغيه

لذا سأجدد قرارى لك انت فى قائمة الانتظااااااااااار

!!!!!

2008-02-19T13:11:00.000-08:00

يللا مش مشكلة .. 2 بوست فى يوم واحد

هو الحقيقة ان فى موضوع الواحد كان نفسه سقوله من فتره .. بس متحرج لو قاله مش عارف هينفذه و لا لأ

احيانا تمر على الشخص لحظات حاسمة فى حياته .. قد يتوقف عليها بقية عمره .. قد يستهجنها البعض .. وقد يجدها بعض الناس عدم ولاء للمكان الذى فيه .. الموضوع باختصار .. انى عايز اروح اعيش هناك

فى القاهرة

قد لا يكون هذا جديدا .. بالنسبة لبعض الناس .. لكن ما المسه من كل من اعرفه يدل على خلاف ذلك .. معك انها تتشابك فى تلك الموضوع عوامل كثيرة منها البعد عن الأهل و الاصدقاء الذى قضيت معهم حوالى 20 سنة و اكثر .. و انك ستحتاج الى البدء منالصفر فى كل شيىء فى هذا المكان الجديد الذى ستذهب اليه

انا لست خاسرا لاى شيىء .. الجيش عندى لسه شهر 10 الجاى دى واحدة .. شخصيتى نفسها بتحب لم الخبرات الجديدة من اى مكان و فى اى زمان .. شخصية متعبة .. لنفسها و لغيرها بس هى نفسى هاعمل فيها ايه

حابب انى اجرب بجد .. فترة شغلى فى معرض الكتاب خلتنى اجذر الاحساس بان مكانى هنا .. اقول لكم شعورى و انا كنت راجعا الى بيتنا بعد مدة ال3 اسابيع .. كان احساس مثل احساس النبات الذى كان بدأ يفرش جذوره و انتزعوه مرة واحدة دون تمهل .. لا أقول أن القاهرة افضل من مدينتى .. و لا اجمل منها ..و ان خيرت فى يوم بالبقاء فى مصر او السفر خارجا .. لاخترت الاختيار الثانى دون الاستعانة بصديق

لسه مش عارف هيكون امتى الكلام ده .. بس كل اللى انا عارفه انى وجدت خلاص سكن للمعيشة .. و الشغل لسه بدور وفى الطريق.. عندما اجد الملائم سأكون اليوم التالى هناك

قد يكون خلال ايام .. او فى خلال اسبوع او بعد شهر .. ربنا المستعان و المهون

2008-02-19T12:42:00.000-08:00

كلمات مشوش .. مؤقتا

ساعات الواحد بيبقى عايز يكتب من غير ترتيب .. ولا تنظيم و لا اى رتوش او تزويق للكلام .. ممكن يكون فى لازمة للكلام عند الناس .. لكن ده عمره ما يعبر عن شيىء معين .. قد يكون احيانا مخفى لاشياء معينه لا يدرى احد كنهها ولا حتى صاحبها نفسه

.................

ليس معنى الابتسام و الضحك و السخرية انك شخص لا مبالى و لا يشغل عقلك شيىء .. لكنه احيانا يكون الوجه الذى قد يخفى خلفه حزن الدنيا ... لكن الى حد ما انت افضل حالا من الحزين باطنا و ظاهرا .. لا ادعو لانفصام الشخصية .. لكنى اوضح رؤية معينة عن بعض هؤلاء الاشخاص الذى ان صح عليهم التسمية بلقب .. الضاحك الباكى

...............

حفرة فى علم النفس

ساعات الواحد من بعض قراءاته فى علم النفس بيبقى بيعمل حاجة او يقول كلمة معينة او حركة ما فيلاقى بيقول لنفسه ايه هو انت فعلا كده .. يعنى مثلا يقول علماء النفس و علماء لغة جسم الانسان .. ان ضم الذراعين على بعضهم اثناء الحديث او دائما يدل على شخصية تدافع عن نفسها ليس دفاع بمعنى كلمة دفاع وهجوم .. لكنه دفاع يدور فى العقل الباطن .. وانه لايريد ان تتداخل اقتناعاته الخاصة مع افكار الاخرين .. اماعند الكلام مع شخص و ضم ذراعيه على بعضهم فهذا يدل على عدم اقتناعه بكلامك اصلا و انك من الافضل انك تمشى وتروح ..و طبعا لكلل قواعد استثناءت تؤاكد المعنى و تقويه

..................

هل الفترة التى نعيشها الان حاليا فى الدنيا هى الحياة المثلى فعلا ... و لماذا لا تكون كذلك .. معك ان الدنيا قضاء وقدر .. ونصيب ان يكون المرء فى مكان و شخص اخر فى مكان اخر .. لكنه مجرد سؤال

...............

ااااااااا ... هكتبه فى البوست الجاى

وجبت موبايل 6600

2008-02-17T02:06:00.000-08:00

وأخيرا .. بعد رحلة طويلة بين الموبايلات

بداية من اريكسون 1018

ثم نوكيا 8200

ثم موتوريلا ( النجم )

و اخييييييرا

نوكيا 6600

ربنا يكرم ... مش عارف هيكون اللى بعده امتى .. بس شكله هيعمر معايا شوية .. ربنا يسهل

2008-02-02T12:51:00.000-08:00

و حصل اللى الواحد كان خايف منه

وحدث ما كان المرء يخاف منه .. او لا يتوقع حدوثه .. على الأقل له بالذات

سيكون هذا البوست مقتطفات كده .. منها المفهوم .. ومنها من سأشفرها زى قنوات الart يعنى الى حد ما لم يحن وقتها بعد .. بس انا عايز اتكلم عنها و خلاص .. حاجات حصلتلى و حاجات حصلت لناس صحابى .. يعنى كوكتيل كده غريب .. ربنا يستر

..........

العشرة فعلا تكشف خبايا النفوس .. ليس فقط نفوس من حولنا ولكن نفسنا نحن أيضا .. أنت تجد تصرفات مختلفة عنك .. وتربية غير التى تربيت عليها .. و تفكير مش عايز أقول أقل أو أكبر بس خلينا نقول غير دماغك

المشكلة طبعا مش فى كده .. المشكلة فى محاولة فرض تفكير معين .. او تصرف على تصرفات الناس التانية .. هذه هى المشكلة الكبيرة فعلا .. و انا بالذات هذا الموضوع حساس معى .. انا لا أقبل و لا استسيغ اى فرض للاراء من أى شخص مهما كان .. اقتنع بالاقناع والافهام و محاولة اثبات الرأى و صحته فعلا

للأسف .. وأقول للأسف .. مع ان اى شخص مكانى كان زمانه مبسوط او الى حد ما فارد نفسه على أساس انه مسئول جناح لدار .. يعنى مسئول عن سدس شغل الدار فى المعرض .. و كمان فى نفس الوقت متحمل فلوس الصرف على الشقة التى يقطنها انا و اثنين معى .. عشاء وفطار و اللذى منه

الموضوع كان عادى جدا لغاية بداية المعرض مع انى معايا فى الشقة واحد اكبر منى فى السن ... و الحمدلله ما هواش من النوع الحساس وموضوع دا انا اكبر منه والكلام الحمصى ده .. كويس كده

مع بداية المعرض انضم لينا واحد جديد .. كان فى المعرض السنة اللى فاتت .. تانى يوم معانا لقيت الباشا ده ا بيقول يا جماعة احنا نجيب عشاء على قدنا و اللى يفضل من فلوس كل يوم بتوزع علينا كلنا بالتساوى

مش هقول صعقت و مسكت قلبى زى عماد حمدى .. لأ بكل تحضر و تمدن و عدم مبالاة .. بدأت اشرحله ان ده ما ينفعش .. و الراجل مستأمنا على فلوس مينفعش نستقطعه من وراه .. قاللى و الباقى من فلوس العشاء و الفطار هنعمل بيهم ايه .. رديت عليه : طبعا مش هحطهم فى جيبى .. هنقول لصاحب المكتبة باقى معانا كذا و يكمل على الفلوس دى وخلاص .. وزى ما نصرف فى الشقة براحتنا .. مش هنشحر العملية على نفسنا عشان 10 جنيه فى اليوم

انا قعدت اشرحله الكلام ده فى خلال ساعتين لغاية ما دماغى ورم .. هو قاعد اللى يقوله يعيده .. وانا دماغى ناشفة و رزل مصمم .. المهم اللى كان مطمنى ان صاحبى التانى اللى فى الشقة كان موافقنى على كلامى .. حتى لما كان هو بيكلمه من ورايا عشان يكلمنى .. يقوله هو مش راضيها خالص

المهم يوم ورا يوم هو رضى بالأمر الواقع مع الاقتناع الكامل بما قاله .. لغاية من 3 أيام لقيت صاحبنا التانى بيقول ده فى ناس بتعمل الموضوع ده فى شقة معينة .. وبدأ يرمى الموضوع ده على اساس انى افهم هو قصده ايه .. انا طبعا اتغابيت ( بحب انا اشوف نفسى وانا باين فى دور الغبى !! ) .. لغاية ما وصلنا الشقة و بدأ العصبية تفوح من الكلام .. وكلام من نوعية ماحدش احسن مننا .. و احنا برضه الفلوس دى احنا اولى بيها .. كلام من الملىء بالصحة و الخطأ فى نفس الوقت ... طبعا خلاص ماعدش فى مكان للتغابى اكتر من كده .. قولتله انت دلوقتى عايز ايه .. هو قال مش عايز حاجة بس ماحدش احسن من حد .. طبعا كان الكلام ده بدأ يخش فى نبرة الخناقة عارف انا الدخلات بتاعتها و مش على اخر الموضوع الواحد هيتشاكل عشان فلوس

قولتلوا بص الفلوس اه معاك .. اعمل اللى انت عايزه فيها .. بس ياريت ما تنسانيش وانت بتجيب العشاء .. و شيلونى من فلوس الشقة .. بس مش اكون انا اللى باخد الفلوس من الراجل و انا اللى بستهبل .. و اديتله الفلوس

لم نعد كما كنا من قبل .. انا متضايق منه لأنه كان هيتخانق عشان فلوس .. و هو متضايق فاكر انى بترسم و عامل فيها بتاع .. و بقى اقصى حاجة .. سلاموا عليكم و عليكم السلام .. جه الصبح بيقولى خد العشرة جنيه دى بتاعتك .. عشان كان عندنا اكل فى التلاجة من امبارح .. قولتلوا مش واخد حاجة .. قاللى يعنى ايه ؟ .. قولتلوا .. يعنى مش واخد حاجة .. انتوا حرين وانا حر .. انا شلت ايدى من الفلوس بتاعت الشقة ظبطوها انتوا براحتكوا .. بس ما تنسونيش من العشاء ... ما ردش طبعا عشان احنا قافلين مع بعض .. بس قال براحتك - ماهو طبعا براحتى امال براحة مين يعنى

............................

بونيون وشوكولاته و حاجات كده

دى كنت ناوى اتكلم فيها بس هحاول ختصر شوية و اشفرها حبتين .. احم احم .. برضه الكلام ده فى المعرض

يعنى منظره كان مستفزا فى الأول .. بس بدأ يلفت النظر اليه .. انت تحاول ان تعرفه .. و تكتشفه .. لا تستطيع او انك تخاف .. من اى شيىء لا تدرى .. تشترى علبة بونبون كاملة عشان تستطيع فى زحمة التوزيع على الناس ان تتعرف اليه .. وفى كل مره تخذل فى اخر لحظة وتقول غدا يوم اخر

وكل يوم علبة جديدة .. وخذلان جديد .. لاتعرف لماذا .. لكن هذا هو فقط الذى تقدر على فعله بدون احراج .. هتقول ما تكلمه و اتعرف عليه و خلصنا .. هقولك : وانا لو كنت استطيع كنت هعد اكلم كده

حدث اليوم احداث كثيرة فى هذا الموضوع .. لكن اوان نشرها لم يحن بعد .. وقد لا تنشر اصلا

بس كفايه كده .. هحاول اواصلكوا باخر الأخبار

سلام عليكم .. وغدا يوم اخر

2008-01-29T10:36:00.000-08:00

انت ايه اللى جابك

بقية مجموعة خواطرى عن معرض الكتاب .. مباشر

و غدا يوم اخر
معكم انا اليوم لتكملة حديث الأمس .. الجو برررررررررررد .. و البنطلون و الجاكت اللى ناشرهم من امبارح زمانهم لسه ما نشفوش فى الجو الظريف ده
وصلنا لفين امبارح .. اه لغاية ما بدأنا الشغل الحقيقى فى المعرض .. طيب هو المعرض بدأ الشغل فعليا من 6 أيام بالظبط يعنى من يوم الخميس اللى فات .. بدأنا الشغل الحقيقى و بدأ الناس تدخل .. وزى ما قولت امبارح الجناح اللى احنا فيه احنا الثلاثة هو أصغر جناح بالنسبة لبقية اجنحة المكتبة
بدأت الملامح توضح و تظهر فى الساعات الأولى من اليوم و عرفنا أن جيراننا هم كالاتى
على يميننا .. شركة اسطوانات تعليمية و الناس اللى فيها زى حالاتنا جدعان و شكلهم الى حد ما على اد حالهم شوية .. يعنى مش شركة كبرى من بتوع مجلس ادارة الشركة و الهوليلية دى
على شمالنا .. شركة كبرى مشهورة لبيع الاجهزة الرقمية من أول ال mp3 الى اللابتوب مرورا بالكاميرات الديجيتال و البرينترات و الذى منه .. يعنى حاجة كده جامدة شوية .. كفاية بس ان الطفطف اللى فى المعرض تقريبا بتاعهم ... بدلو جرافتات و ايديهات و شغل يحسسك انك اتنقلت لخدمة عملاء فودافون ولا حاجة .. ييجى الزبون يخش يدخل عليه أصحابنا يقولوا له: ازاى حضرتك .. شركة ... عاملة عرض النهاردة .. و ويك ويك ويك ويك
و هما مقسمين نفسهم لخمسة و ثلاثة .. الخمسة كل مهمتهم شد الزبون و تجليسه ليعرف مزايا الجهاز او للتعاقد و الذى منه .. و الثلاثة هم الجالسين الذين يشرحون هذا للزبائن الذين رضوا و حبوا ان يغامروا رغم معرفتهم انهم (هيتخيطوا !! ) ..شوف البدل و كلمة حضرتك دى و انت هتعرف انت اد ايه تقريبا هتدفع
فى ادامنا دار نشر تركية .. موجود فيها شباب اتراك و اندونيسين وهم بيدرسوا فى مصر .. بس شباب جدعة .. رغم لغتهم العربية المتكسرة بس لو انت عايز تتفاهم مع حد هتعرف لو حتى بيكلم هندى .. خاصة انى كمان بحب تركيا جدا .. كبلد .. و كحضارة .. و كثقافة متعددة .. اتعرفت فيهم على و احد منهماسمه ابراهيم نور .. بقينا دلوقتى اصحاب و معانا نمر بعض كمان .. بس ولد جدع جدا
اين المشكلة الان
؟؟؟؟؟؟؟؟؟؟؟؟؟
كل دا كلام عادى بس فين القضية .. هى ايه الحاجة اللى مخليانى اكتب و ادخل سيبر مخصوص عشان اكتبه مش عايز استنى لغاية ما أرجع و بعدين اكتبه
صبرا .. واحدة واحدة .. اولا المشكلة مش متعلقة بي كشخص الحمدلله .. ثم غالبا لو كانت كذلك لم أكن سأذكرها او علىلا الأقل لن أفرد لها بوست كامل .. ده يبقى نرجسية عالية المستوى .. وتمحور تام حول الذات
ماعلينا .. الجناح بتاعنا اول ما اتفرش اتحط فيه و فقا لخطة المكتبة له .. كتب المجلدات .. الكتب الكبيرة اللى لا تقل عن 200 صفحة حاجة كده من اللى غاوى يقرا يموت فى هذا النوع من الكتب
و فى الاعتبار الدار عندنا ليها كتب كبيرة مجلدات زى ما قولتلكوا .. و كتب تانية صغيرة شوية يعنى من عيار 60 او سبعين ورقة بنسميها كتب غلاف .. و فى كتب كمان .. او على الاصح كتيبات اصغرمن كده كمان
بس الجناح عندنا كان مخطط له لبيع المجلدات فقط .. و كانت الكارثة
كارثة بمقاييسى انا على الأقل
لن تتصوروا اول يوم لنا فى الشغل و دخول الجماهير .. لن تتصوروا كيف كان جلوسنا هكذا و نحن فى انتظار الناس .. كان منظرا بديعا لن انساه طوال حياتى .. دخل عندنا ناس قليلين اللى اشترى منهم 2 فقط !!!! ... غير مصدقين طبعا .. هذا هو شعورى و الله مثلكم .. استغراب الى طول الحد .. و طبعا كان ايراد اليوم حاجة مزرية فعلا لن استطيع ان اصف كيف كان شعورى و انا اسلم ايراد اليوم لصاحب المكتبة .. هو طبعا مقدر و عارف ان الصالة عندنا مردومة و متقفلة من كل ناحية .. بس لم يكن يتصور ان تصل الى هذا النحو
كانت تلك الليلة من أصعب الليالى التى مرت عليا .. لا انكر انى تمنيت ان يتم وضعى فى هذه الصالة لأنها اصغر مكان و سيكون الموضوع تحت السيطرة تماما .. لكن شعورى بعد ذلك كان اقصاه ان يتم نقلى الى جناح اخر ذو ايراد عالى و ان لم يكن لى فيها دور كبير .. على الأقل لن أكون المسئول عن نجاحها أو فشلها
المهم انها كانت ليلة ليلاء فعلا .. لأن على الأقل اول محك لى مع الحياة المادية و البشرية فى طريقة الى الفشل و الانحدار
ذهبنا فى الصباح و عقلى يدور بلا توقف و كلى تفكير و تصور و استرجاع لحالتنا أمس .. هذا المنظر البائس الذى ظل يتأرجح أمام عينى طوال الليل
ظللنا حتى الظهر و زبون واحد فقط هو من اشترى منا .. و بدأ الكابوس يطرح عباءته علينا فعلا .. وبدأ القلق يساورنا وان لم نتكلم .. حمادة اللى ما بيبطلش ضحك بدأ يضحك بعصبية لو انتوا فاهمين ما اقصده
فجأة قفز حل ما الى عقلى .. وقلت لهذا الحل و لما لا .. و على الاقل يكون اول تطبيق عملى لى او استفادة عملية من علم النفس اللى انا وارم دماغى بيه
قلتهم ثوانى وراجع لكم تانى .. رحت للصالة المكشوفة .. الجناح الأم لنا فى المعرض و بدأت أجمع عدد 5 من الكتب الصغيرة التى لا يتعدى سعرها 2 جنيه و اقل كمان .. و التى اعرف انها تسحب بسرعة و الاقبال عليها سريع
و رجعت بغنيمتى بعد ما مليت كيسين كبار .. راجعا ارض المعركة .. هتف فى حمادة انت ايه اللى جايبه يابنى .. عندها بدأت أشرح له نظريتى
الانسان بطبيعته لا يحب ان يكون فى معادلة يكون هو واحد زائد صفر ولو حتى كان الناتج هو واحد .. لا الناس تحب ان تكون واحد زائد واحد .. او واحد زائد اتنين .. ويا حبذا لو واحد زائد خمسة
اعمل زحمة ادام مكان و انت هتلاقى كل الناس هتموت و تعرف ايه اللى خلى الناس اللى واقفة دى واقفة .. و عقلها الباطن يقول يعنى هما يفوزوا بالفرصة دى و انا لأ .. و يلعب حب الفضول و الاستطلاع دوره العتيد فى هذا الجذب .. و فى نفس الوقت سيأتى الناس المتخصصة الباحثة عن الكتب الكبيرة التى تروى ظمأها عندما ترى تجمع ناس فى مكان معين .. لأن عقلهم غير الناس الاخرين الا و هو الناس دى شكلها عندها كل حاجة و بأسعار كويسه بدليل الناس الموجودة دى
طبعا ما قولتش كل الكلام ده لحمادة .. بس قوقلتله نبذه مختصرة على غرار .. هتعمل جو جامد .. هتجيب لمة .. وخاصة انى كنت جبت خشبتين و اتكب عليها سعر الكتاب 2 جنيه
لكن أن تتخيل عدد الناس التى بدأت تشترى بدءا من اللحظة التى عملنا فيها تلك الحركة .. و كنت فى نهاية اليوم لولا الملامة لنزلت على كل كتاب من تلك الكتب و قبلتها و احدة واحدة
المؤسف فى هذا الأمر ان معظم مضامين الكتب هزيلة فعلا .. لا تسمن و لا تغنى من اى شيىء بتاتا .. انا نفسى لا ارضى ان اشترى منها واحدة لانى للاسف لست من هواة شراء اللب
عندما يكون انسياق الناس و تسابقها على شراء كتب الطرائف والطبخ و المسابقات اكثر من الكتب الحاملة الثقافة والمعرفة فهذه مشكلة فعلا
عندما يكون الانبهار بالكاميرا الجيدة افضل من الدهشة بوجود مؤلف رائع .. يكون فعلا شيئا مؤسف
عندما يكون حل الأديب او المؤلف او الكاتب لكى يصل الى الناس هو النزول تحت خاااااااااااالص لمستوى أقل الناس ليفوز برضى الغالبية العظمى من الناس .. لكن ان يبحث عن معانى كبيرة و اهداف اكبر و أفكار متحررة و جريئة قد لايسطتيع معظم الناس فهمها فهذا هو الشخص الذى يتسلى الناس بمعااقبته بعدم تعبيره او تجاهله ليس عن ترفع و لكن للاسف .. لكى يداروا عدم معرفتهم
ااالمنى كلمة قالها شخص من الاشخاص الذين يشدون الناس ليسمعوهم عرض اليوم فى شركة الأجهزة الرقمية الشهيرة اللى جنبنا : أى كتاب بجنيه .. انا اصلا بكره القراءة !!! هو قال الكلمة دى وانا معرفتش أرد عليه
طب ده أرد عليه أقول ايه ؟

2008-01-28T10:33:00.000-08:00

انا و حمادة فى المعرض

ممكن تقولوا ده يوميات دار نشر فى معرض القاهرة الدولى للكتاب

ممكن تتكلموا عن ان ده شوية كلام وافراغ مكبوتات معينة و حاجات كده .. تقول قبل ما تقرأها ربنا يستر

ممكن تقولوا بعد م اتقرأوا الكلمة الشهيرة فى فيلم الرهينة .. ( انت ايه اللى جابك هنا ؟!!) ... ممكن

ممكن كل حاجة .. بس الحاجة الوحيدة الممكنة و الأكيدة .. انى هنا .. موجود .. لسه بقول و بتكلم وفيه حيل و اتريق

عموما مش هطول عليكم .. لأنى بجد فيه كلام كتير عايز اقوله و مش لاقى وقت فعلا عشان أبص حولى

انا دلوقتى فى مدينة نصر .. فى شقة فى المربع السكنى امام معرض الكتاب مباشرة

هذا المربع السكنى الهادىء .. اللطيف .. الظريف .. اللى العربيات بتكون واقفة فيه لغاية بعد الساعة 10 صباحا .. لو فاهمين قصدى .. واللى كل الشوارع فيه زى بعضها

اصلا المكتبة واخدة 3 شقق فى المكان ده .. بس الصراحة تقال ان الشقة اللى احنا واخدينها افضلهم فعلا .. ده بالنسبة لموضوع السكن

انا طبعا بذكر الكلام ده لأنى لم أتغيب عن بيتنا فترة أد المدة دى .. اسبوعين و اكتر يعنى كان اخرى يومين او 3 او حتى 5 ايام .. اللهم الأيام اللى الواحد كان بيطرد فيها من البيت بعد حوار لطيف مع الحاج فى البيت يعنى الى حد كبير تجربة جديدة .. بالنسبة لى على الأقل .. و كما قال فيليسوفى .. الانسان مركز الكون بالنسبة له هو نفسه

اول 3 أيام من وصولنا المعرض كانوا اصعب و اتعب و أكثر الايام اجهادا بالنسبة لنا و بالنسبة طبعا لكل الناشرين .. لأنك ستفرش الجناح الخاص بك بالكتب .. وتلك عملية يحسبه الظمان ماء فيراه جلمود صخر

اضف الى هذا انك مطالب بفرش عدد 6 أجنحة فى المعرض هم عدد الأجنحة الخاصة بالمكتبة متوزعين بين السرايات و الصالات المكشوفة

انتهينا من الفرش و بدء مرحلة توزيعنا على الأجنحة كل عدد حسب مساحة الجناح وأهميته .. ولكم ان تعلموا انى بدأت العمل منذ اشهر قليلة لتستطيعوا التخمين اين مكانى فى التوزيعة ... ايوه بالظبط كده فى اصغر جناح .. لأ وايه المسئول المالى بتاعه .. يافرحتى او ساعة ما اتقالى كده قلت ربنا يعدى الايام اللى جاية على خير

المهم فى الجناح اللى انا فيه .. و احد اسمه هانى .. وواحد تانى اسمه .. حمادة

حمادة ده بقى حكاية

حمادة ده بقى شخصية من الشخصيات اللى قلما تجدها فى هذا الزمان .. لطيف المعشر .. مرح جداااااااا .. لا يكف عن السخرية و الضحك و التريقة و فتح علاقات مع الناس سريعا .. غيرى خالص .. مبعرفش اكون علاقة مع شخص ما بسهولة .. يعنى بتبقى الحاجات دى مرتبطة بطريقة التربية و طريقة تفكيرك اصلا

انا بحب اخترع و ابتكر و عايز أجدد .. وهو بيموت فى الروتين الممتع الساخر .. شخصية دمها أخف من الهواء .. اكبر منى ب3 سنين و فرحه بعد المعرض ب 3 أيام بس ساعات بحس انه بيهزر حتى فى موضوع جوازه ده لولا انى شوفتها كان جابها مرة فى المكتبة وعرفها علينا

ماشى ياعم حمادة .. انا عارف ان احنا بنكمل بعض فى حاجات كتير جدا .. كنت اعرفه طبعا قبل المعرض بس العشرة بتكشف حاجات اكتر و اكتر .. على فكرة احنا الثلاثة اللى فى الجناح احنا فى الشقة مع بعض .. يعنى زى ما بيقولوا اكلين .. شاربين .. نايمين .. بيشتغلوا مع بعض

ييجى يصحينى الصبح ويشد المخدة من تحت راسى .. اروح حادف المخدة الصغيرة التانية فيه .. بعدين يروح المطبخ يحضر البيض المقلى و يجهز الترابيزة عقبال انا اولع البراد عشان الشاى او النسكافيه .. نتفرج على تمثيلية محمود ياسين ما نعرفش بتتكلم عن ايه لأن التلفزيون عندنا مافيهوش غير الاولى و التانية و قنوات النيل فقط

نخلص الفطار .. نجهز الشنطة و نحط فيها الجوانتيات و ورق خاص بيا .. ونخرج ..نوصل البوابة بتاعة الناشرين نوريهم التصريح و ندخل و كل يوم .. كل يوم لازم يفتشوا الشنطة عشان يكتشفوا الهروين و الكوكايين اللى بهربوا فى المعرض

ندخل على الصالة بتاعتنا

متأيالى كده انتوا عرفتوا الخط اليومى لينا .. تقريبا

لكن ما ذا يحدث بعد ذلك .. و ماذا يجرى عند بدء دخول الجماهير

وماذا يكون شعورك عندما تكون فى معرض للكتاب و على يمينك بائعين للسيديهات .. و على شمالك بائعين للأجهزة الرقمية .. و أمامك عارضين لمشروع اسمع ابجد

طيب ايه شعورك لما يكون مثلا سعر ما تبيع به فى اليوم الكامل هو ثمن جهاز و احد صغير من الأجهزة الرقمية عند جيراننا

و ماذا يكون شعورك و انت ترى اقبال الناس على الكتب البسيطة و السهلة .. و عدم بذل عناء المشقة حتى فى القراءة فقط .. سيبك من السعر او حجم الكتاب .. انا مثلا عندى كتاب عن حياة جمال الافغانى كاتبه محمد عبده .. كتاب صغير جدا اد قصص نبيل فاروق القديمة ..المشكلة مش فى الحجم اكتر منه فى معرفة الكتاب المهم و تمييزه عن الغث

ماذا يكون

!!!!!!!!!!!!!!!!!!

لكن - كما يقول أحمد خالد توفيق - لهذا قصة أخرى

2008-01-28T10:19:00.000-08:00

زورونى فى معرض الكتاب

صالة 2 .. أول ما تخش من بوابة الصالة .. من ناحية صالة 3

مكتبة الايمان للنشرو التوزيع - المنصورة

بجد المعرض غر يب .. وفى نفس الوقت جميل

فى انتظاركم

2008-01-20T11:40:00.000-08:00

وأخيرا فى معرض الكتاب قبل ما يبدأ

!!!!!!!!

هل جربت من قبل ان تدخل كواليس مسرح المسرحية التى تعشقها وتهواها

هل دخلت مرة استديو تسجيل أغانى قبل التسجيل و تشهد بروفات المطرب

هل كنت مع المدرس فى غرفته و هو يرشف الشاى و يكتب الامتحان للطلبة غدا

لن أتذاكى عليك .. او أحسسك بالعجز .. او بأنك لم تفعل م ايجب فعله .. فهناك مقولة لشكسبير يقول فيها ان المشاهد يعجب بالمسرحية أثناء عرضها أمامه .. لكن لو فكر و جرب الدخول و كشف الستار عن الكواليس الحقيقية للعرض ليجد أن الدجاجة التى كان يأكلها البطل هى مصنوعة من الجبس !! و ان التليفون التى تكلمت منه البطلة تليفون لعبة !!! و غيره و غيره .. هل سيكون عندها فرحته لرؤية المسرحية مثل قبل أن يرى ما وراء الستار

لن أدخلكم فى متاهات فلسفية رخمة انا نفسى ما بحبهاش .. لكن تعمل ايه من حب الاستطراد فى الكلام .. غية معلش

لأنى بجد فرحان انى هنا
اتحدث اليكم من مدينة نصر بجوار أرض المعارض .. معرض القاهرة الدولى للكتاب

فرحان لأن انا كل سنة باجى المعرض بس كزائر .. بس السنة دى داخله كفرد من أسرة المكتبات الموجودة فيه ..

مبسوط لأن الناس اللى هتعامل معاها مش أى حد .. الشخص اللى اخل يشترى كتاب ده او على الأقل يتنفس هواء الكتب هو انسان احترمه جدا

صحيح انا بشتغل الفترة دى فى انتظار الجيش .. لكن أن تقضى اى فترة من عمرك مع شيىء لاتحبه حتى و لو كنت ناوى مش هتشتغل فيه بعد كده .. فانا بعتبره يعنى نوع من تضييع الوقت

اسبوعين هرس و عجن و طحن .. عرق فى عز البرد .. و تعب يقطم الوسط .. و لذة عن الرؤية النهائية للعمل

مش عارف .. المعرض لغاية دلوقتى شكلة ما اكتملش لسه .. لسه الاضاءات بتظبط .. و الأراضى بيتركب عليها حجارة جديدة .. مش عارف الكلام ده هيخلص قبل افتتاح المعرض الخميس أو الجمعة

عموما .. ربنا يكرم و يسهل

يدوب دلوقتى بقى أروح - لأنى بكلم من سيبر -عشان الناس اللى معايا فى الشقة اللى احنا قاعدين يكونوا لسه صاحيين و يفتحولى .. هحاول من حين لاخر اوافيكم بالأخبار .. أراكم على خير

من أنبائها

2008-01-10T13:04:00.000-08:00

يوتوبيا ... تها

و دخلت مدونة أخرى

وجدت هذا البوست من مدونة utopiadream لصاحبتها نيرة الشريف .. كان بوستا .. خفيفا ... غريبا .. ذكيا .. عجيب ... و فريد الى حد كبير

أعلم ان 80 فى المائة من البشر يحلمون بالدنيا المثالية و النموذجية أو مايسمى باليوتوبيا التى أخرجها أفلاطون فى ابدع صورها و زخرفها و .. حلمها

أتصور ان الاتفاق على حلم اليوتوبيا دائما - ولنكن متفائلين و نقل غالبا -يصطدم بالواقع و مع الناس الذى ترتبت حياتهم على بعض من الغش والخداع و التحايل ليأكلوا فى اركان اليوتوبيا دائما نظير الحصول على منفعة موقته او عاجلة

لكن أن يكتم هذا الحلم فى أعماق الصدور خافيا نفسه عن الاظهار خوفا عليه من التكسر على صخور الخارج .. و الحفاظ عليه دون خدش له ليثبت هل هو متماسك ام هو لم يكتمل بناءه وترسخه فى اعماق النفس .. فهذا أمر غريب او انه على أحسن التقادير سوف يسبب متاعب نفسية لان الناس لا يفهموننى ..و يظنوا كتمانى له رغم ظهور الخطأ المصطدم هو نوع من السلبية

" أنا بقيت بخاف على نفسى أوووووى من كل شىء فى الدنيا ... أنا بريئه زيادة عن اللزوم وهو ليس مدح ولكنه ذم بكل ما تحمله الكلمة من معانى وفقا لكل المعايير الحياتية الحالية بس أنا نفسى أقابل ربنا كده ... نفسى أقابله كده وحاسة إن ده صعب أوووووى .. "

انا أوافقك فى هذه الجملة .. بس نفسى الحالة دى تكون على طول .. الواحد كان بيحسها فى رمضان و اواخره .. بس فى أيام تانية .. ربى أغفر لى

" ساعات بحس إنى عايزه أقفل على نفسى باب اوضتى وماشوفش حد مش عايزه أعرف معانى للغدر والخيانة والقسوة والغباء ومقاييس المصلحة الذاتية عايزاهم يفضلوا معانى بعييييييدة ومصطلحات أسمعها من بعيد فقط دون أن تقترب منى أو تلمسنى مش عايزه أحقد على حد ومش عايزه حد يكرهنى ومش عايزه حد يقسى علىّ لأنها بتبقى كبيرة وصعبة أوى عليا - حتى لو كان بينا ما صنعه الحداد - لأنى مش بقدر أقسى ... مش عايزه أكدب ولا أنافق ولا أخدع "

و هنا مكان اعتراضى .. ليه الناس اللى بتغلط و مش بتعمل الصح و هى عارفه كده .. ليه صوتهم عالى و لهم ألف تبرير و تبرير .. وليه الناس التانية اللى متأكده ان اللى بتعمله صح بتخاف على نفسها و بتخاف من الناس و أفعالهم

سيدنا الحسين رفع بدمائة الذكية راية ان الذى أراه صحيحا يبذل من أجله كل شيىء ولو كان كل من حولى خطأ .. شرط ان اكون متأكد ان ماأفعله صحيحا

بوست رائع .. و مدونة شيقة

2008-01-02T10:19:00.000-08:00

عندما تريد ولا تستطيع

هل واجهتك هذه المشكلة الأزلية يوما ما

فكرت فى موضوع ما و أوجدت له حلا خالصا من قريحتك لكن كانت الحلول الخارجية الجاهزة هى التى تنتظرك لمناقشتها فى الموضوع لكى تلقى لك بالحل المصحوب بالدعم و المباركة و الدعاء بالتوفيق

هل ترددت عندها و شككت فى قدراتك فى التفكير .. و فكرت فعلا انه لا طائل ولا فائدة من حل مشاكلك بنفسك .. وتخطيط حياتك بمفردك .. لست أقصد التفرد كأنك نبى يوحى له .. لكن أقصد هذا الاحترام و اشعارك ان رأيك موضع فى الاعتبار .. وأنه فى الأول و الاخر هى حياتك ولا احد سيشاركك اياها .. الا انت نفسك

يقول فيلسوف ما .. لقد ولدت وحيدا وستموت وحيدا .. فالأفضل لك ان تكون معيشتك فى هذه الدنيا متفردا .. ده رأيه

نفسك تعمل حاجة .. ونفسك تبطل حاجة تانية

نفسك تدرس مجال تانى غير اللى تنسيق بعتك فيه .. يا عمى والله عارف انى قعدت 4 سنين فى أم الكلية دى .. طب وأنا مال أهلى .. هى عشان قعدت فيها فترة من عمرى لازم عمرى كله يرتبط بيها ..

قلتلك 300 مرة بكرهها مش عايز تفهم ليه .. يعنى عشان خطبت واحدة و ماعجبتنيش يبقى عشان الفترة اللى خطبتها ما تضيعش هدر يبقى لازم أجوزها

منطق غريب .. بس الحل التانى و هو انك تنفذ الحلول الخارجية الجاهزة ستلقى بالدعم و المباركة و الدعاء بالتوفيق.. وماعاداه فأنت لك دماغك المستقلة و ابقى ورينى بقى هتنفذ اللى انت عايزه ازاى

ومش بقى كده وبس .. لأ الاستغلال ال .... لكل فرصة للسخرية و التهكم و تيأييسك من حلمك المشروع .. فتجد نفسك فى فترة ما مثل حال حزب التجمع.. ربنا يشفى الناس اللى فيه .. مجرد أفكار .. لكن تنفيذ ابقى قابلنى

هل سيأتى اليوم الذى تتحقق فيه حلمك ببعض من اليسر .. وبدون أن تشعر أنك غريب عن هذا العالم و عن كائناته التى من أبسط حقوقها هى الحلم و ارادة العيش وفق ما يريد فكريا

!!!!!!!!!!!!!!!!!!!!!!!!!!!!!!!!!

حاسس ان ده هيتحقق فى مكان واحد بس

عارفين فين

فى الحلم

2007-12-26T09:08:00.000-08:00

اتجمعوا العشاق في سجن القلعة ... اتجمعوا العشاق في باب الخلق
و الشمس غنوة من الزنازن طالعة .. و مصر غنوة مفرعة في الحلق
تجمعوا العشاق بالزنزانة .... مهما يطول السجن مهما القهر

انه هذا الارتباط الايدولوجى عندما ينزل الى أرض الواقع من مرتفعات العقل ..ولماذا ينزل انه قد يكون السبب فى الصعود السريع و التحليق الى افاق أبعد

ألف مبرووووك ابراهيم الهضيبى & خديجة حسن مالك

2007-12-21T12:51:00.000-08:00

كل عام وأنتم أفضل من سابقه فكرا .. و عقلا .. وأكلا برضه

بس سؤال محرج .. انتوا اختوا عيدية كام ؟؟

2007-12-13T03:34:00.000-08:00

اااااه يا ظرافة يا مستحملة

صورة غريبة و فريدة و نادرة وصعبة أن تكون حقيقية .. نعم أتفق معك فى هذا الرأى لكن فى عالم الحيوان فقط

ان كل حياتنا البشرية لا تخلو من تلك التركيبة الصعبة التى تراها فى هذه الصورة .. أناس تعبانين و شقيانين و طافحين القوته ولكن ايدهم و الأرض .. وناس تانية عايشين على قفا عرقهم و تعبهم و جهدهم لا لشيىء سوى أنهم لهم واسطة او مسنودين .. متظبطين من الاخر

فى واحد كان بيقول ( وانا مش موافقه على كل كلامه ) المجتمع زى الرصيف " وسخ "عايز يتكنس .. ناس بتعرق عشان لقمة العيش و ناس يعرق من التنس

مش عايز الموضوع يطفح اشتراكية او تحيز للبلورتاريا ضد الطبقة البرجوازية الرأسمالية العفنة - كما يحلو لبعض الرفاق تسميتها - لكن هناك الحد الادنى من العدل الاجتماعى و المساواة بالمثل و هو أصل اسلامى

لانها مأساة موظفى الضرائب العقارية الصامدين .. الرجالة بجد

أدرى ماهية أو نوعية أو وسيلة دعمهم و التضامن معهم بطريقة معينة .. ان حدث تدخل من جماعة للدعم او تضامن من حزب او حركة سيكون النتيجة هى فض الاعتصام بالقوة لأنها الان اصبحت اعتصام معارضى الحكومة وليس من أعماق الموظفين نفسهم

وفى نفس الوقت هذا من وجهة نظرى يعتبر جزء من سلبية شعبنا العتيدة التى تهوى مصمصة الشفاة و مجرد الدعاء لهم و كفى دون اتخاذ أى موقف جدى او عملى لهم .. صراحة لست أدرى الكيفية لمساندتهم .. لكن عزاؤنا الوحيد أنهم منا و يقفون الموقف الذى طال انتظارنا له ضد الفساد المنظم .. انها دفقة من الأمل اننا لم نمت بعد .. و اننا مازال فينا بعض من الدم و الشعور القهر بل و التعبير عنه

هنيئا لهم رجولتهم و حميتهم .. و نأمل أن يكون هناك طريقة لمساندتهم .. ومساندة نفسنا

2007-11-30T03:52:00.000-08:00

نـــــــــــادى الـــــــراشــــــــــــدين

كان أمس ال 29 من نوفمبر من أهم الأيام الهامة بالنسبة لى

لم أعتد على الفرحة او الاحتفال بيوم ميلادى فلست شخصية تاريخية او سياسية او ثقافية هامة حتى لا يمر يوم مولدى ببساطة .. لقد كان يمر أحيانا هذا اليوم دون أذكره الا بعد مرور اسبوعين أو اكثر

ولكن هذا العام تذكرته فعلا و عشته طوال اليوم .. هذا لأنى اليوم أصبح عندى 21 سنة

و انتقلت قانونا من مرحلة العبث و اللا مسئولية الى سن الرشد .. اى أصبحت مسئول عن كل تصرفاتى و أفعالى و سلوكى

انتقلت عمريا و نفسيا من مرحلة المراهقة الى سن النضج .. رغم خطواتى منذ 3 سنوات للوصول الى النضج المعنوى

لست أدرى هل كان من المفترض أن اكون سعيد و مرح لأنى أصبحت 21 سنة أم امتلأ بالغم و الهم لانى فجأة ارتميت على الطريق وحيدا و على ان أتحمله بمفردى فلقد أصبحت كبيرا

لقد ابتلعت ريقى أمس بعنف وأنا أطالع مقدمة فى كتاب يتكلم فى علم النفس و كان يذكر مراحل الانسان العمرية ..

وكانت الجنين ..فى بطن الأم

المهد .. الى سن 2

الطفولة .. من 2-13

المراهقة .. من 13-21

سن الرشد .. من 21 - 40

الكهولة .. من 40 - 60

الشيخوخة .. من 60-70

الهرم .. من 70 لما فوق .. وربنا يديلة طولة العمر

عندما تصحو لتجد نفسك من المفروض أن تتعامل بطريقة معينة لأنك قد كبرت

عندما تجد أن واجبات فرضت عليك أخيرا لأنك قد كبرت

عندما يجب عليك عدم البقاء فى المنزل و ان تنزل للشارع للعمل لأنك قد كبرت

عندها

ارحب بك .. اهلا بك فى نادى الراشدين .. الذين قد لا يصبحون راشدين فيما بعد

عن ضيق الأفق أتكلم

2007-10-16T03:28:00.000-07:00

فكرت كثيرا قبل كتابة هذا البوست .. حاجة غريبة بجد ومدهشة صحيح ومثيرة للاعجاب القدرة المدهشة التى يتمتع بها هؤلاء الاشخاص وهم يكتمون على الافكار الابداعية لمجرد أنهم لم يفعلوها هم من قبلهم وربما لم يكن أبائهم يفعلونها

قدرة غريبة على التشبث بأهداب الرسوخ و محاولة اشعار النفس انها هى الاصل و الباقى كله تقليد .. أن جيله هو الذى تعب و لم يهنىء وأن الاجيال الموجودة الان هى المرفهة و التى تحاول ايجاد الراحة من أى ثغرة

محاولة اشعار الذات انهم هم من يمتلكون الحقيقة المطلقة التى لاغبار عليها .. و ان ما عدا هذا هو الخطأ البين و الفادح الذى لا جزاء يساوى لما حدث

سأحكى لكم عن مثال بسيط لكل ما أريد قوله هذا اليوم فى هذا الموضوع .. أعرف صديق لى هو صغير الى حد ما 1 اعدادى .. المهم فى يوم قابلته و بدات فى التحدث معه و يحكى لى وفى غمرة ما أنا أتكلم اذ لاحظت ان يده و ابهامه وسبابته (صوابعه يعنى ) يلفهم بشاش و رباط ضاغط .. المهم سألته عن ما به .. فأخبرنى على انه وقع على الأرض و (جزعت ) يده بضم الجيم

وأخبرنى انه لا يستطيع الان الكتابة فى المدرسة لا فى الحصة ولا حل الواجب .. و طبعا زعيق الاساتذه غير متوقف

ألمت جدا لما يعانيه خاصة أن ليس له ذنب فيما حدث له .. بدأت أفكر معه فى حل لهذه المشكلة .. حل كنت أخترعته لزوم الفهلوة و ترويح الدماغ و انا فى 3 اعدادى .. كنت أتى بكربون و أجلس فى نهاية الصف بجانب صديق لى بحيث لا يرانى الاستاذ و انا أفعل ما أفعله .. و اعطى لصديقى الكربون و كراستى فيكتب هو عادى ما يكتب فى كراسته و كراستى و الكربون تحت كراسته فتطبع عليها .. وهذا أكتب دون أن أكتب

طبعا نيتنى كانت غلط .. بس افتكرت الموقف ده و قلتله عليه و اشتريت له حتى الكربون عشان اضمن انه هيعمل اللى قولت له عليه وانتظرت النتيجة

بعد يومين اتصلت بيه بطمن عليه وسألته عمل ايه فى الموضوع اللى اتكلمنا فيه (موضوع الكربون ) قاللى مانفعش !!! ليه يا بنى ؟؟ قاللى بكل براءة وبدون أى ضغائن فعلا .. مافيش أستاذ عندنا رضوا .. قولتوا ليه برضه .. قاللى هما قالولى لأ و خلاص ما ينفعش من غير ما يقولوا ليه

انا طبعا ما قدرتش اقول له حاجة .. لأن لو فى ذرة ذكاء من واحد فى الاساتذه كان زمانه فكر انه ما لايدرك كله لا يترك كله .. الراجل هيكتب الحصة كده و كده .. طيب ماشى بس مش هيلاقى الواجب حد هيحلهوله كده !! ده طبعا حاجة أكيدة لو كان فى من الذكاء بقية

او من عدم تضييق الأفق

قال شخص ما لا أعرفه .. انا أكره ضيق الأفق أكثر من الخطيئة

عييييييييييد سعييييييييييييييييد

2007-10-12T08:06:00.000-07:00

البوست ده تقليدى شوية .. بس لازم وواجب لابد منه

كل عام وانت بخير .. وان شاء الله العيد الجاى يكون أحسن من العيد ده

أتمنى أن يكون العيد ده متنفس و راحة للمكبوت و المستغرق حتى النخاع فى مستنقع الحياة الدوامية

عيد سعيد ان شاء الله و يكون خير ما فيه هى السعادة المفتقدة المشبوبة بالشوق و المناسبة الدينية العظيمة التى غالبا ما تفسدها نزعاتنا الانانية

عيد اتمنى - انا - ان ارى ما فيه ما لم أره فى الأعياد السابقة .. لا ادرى كيف و لكن يتبقى لى حق التمنى و المحاولة وليس على ادراك النجاح

سأحاول بكل طاقتى ان اخترق المجهول و الغير معلوم بالنسبة لى و تجربة الترحال نحو الجذور و الأصول .. اصولنا

أتمنى لكم الخير و السعادة و القدرة على ارسال ال sms الكثيرة للأصدقاء و الأحباب و الأقارب الذين لا نراهم الا كل عيد

و معى عيديتى الخاصة لكم من تمثيل و اخراج فريق معا و .... أنا

وفريق معا ده مكون من مجموعة من شباب 3 أعدادى و فيهم واحد 2 ثانوى .. بس بجد دماغهم تعجبك .. وتحس كأنك مع أصحابك

بس ما تخدوش فى نفسكوا مقلب - الكلام ده للفريق

أعرف انها ستثير مكبوتات الفرحة و الشوق الى قلوبكم مشوبة ببعض الضحك اللطيف

مع تحياتى .. عطالله النديم .. وفريق معا

sa7e7 hena wala henak?

2007-10-07T12:37:00.000-07:00

awel mara a3mel post ma7'sos le o3alek 3al post modawna o7'ra .. wa laken fe3la post yasta7ek an yakon al ta3lek 3aleyhe pe post kamek ..
haza al post men moadwanet "I`m Your Mind" lesa7batha roz wa m.osama .. begad tafker akal an yosef anho akbar men el sen al mar7aly lahom ..
lakm 7'ales e7teramy wa takdery al shaded ..
awel 7aga mawodo3 en el shabab ka7yan we dema3'oh fe el betngan dah mesh men sabab bas el 7okoma ro3'm korhy leom el 7okoma deh -lamo2a7'za - bas el asbab mogtam3a we morakba we akbar 3ela homa el shabab nafsohom we eradthom el 3ateda fe el bakaa fe el moraba3 el sahl we ely mafehosh waga3 dema3' ra3'm enoh el sa7 .. eradthom fe enhom ye2doha we ye3esho el yom beyomh bedon tafker fe bokra .. 7aga bardo sa3ba en el 3'albya el 3ozma betfaka behaza el tafker el estshaly ..
ana mosh asdy a3akd el donia we a2ol enha lazem tet3ash beldera3 bedon ra7a aw mot3 .. bas en kol 7aytna tet7awel lekeda bas fa dah el mesh ma3kol we mosta7el fe3la en el 7ayah tefdal beh we en el balad deh hay7sal feha nahda we takadom fe3ly ..
ana 3ala fekra el shahr el gay hatem 21 sana ..ya3ny manesh lesa law fahmen ana ased a2ol eh ..
3ozra le aletala .. we bel nesba lemawodo3 nefdal hena wala nero7 henk .. ana ho2olak 3ala 7aga .. law le2et fe nafsak el kodra we elesteta3ah enk tekon henak we tesbt nafsak henak fhonak how afdal makan lak 3ala wagh albaseta ..
we momken a2olak 3ala tare2a momken tesa3dek fel 7ekayet takrer el mawdo3 dah .. 7awel teb3d 3an el bet fatra esbo3en shhr we shof ba3d el moda de enta fe3la kader an tazel honak don ay ta2seer 3ala sha7'seytak wa a7'lakak wa 3adatak wa be el 3aks kant sabab mobasher fe el nohod benafsak wa an taste3 fe3la an toftam 3an walldeyak madia wa nafsia ..
gareb wa satokon alnatega heya al faysal bayen an tabka hon wa an tazhab honak
fe el nehaya .. awad an a3tazer besheda 3an 3adm este7'damy al lo3'a al3arabeya .. laken lezorof keybordeya 7'asa geda ..
mara saneya lakom 7'ales e7teramy

2007-09-18T08:38:00.000-07:00

مدونة التضامن مع المهندس طارق جلال

http://free-tarekgalal.blogspot.com

2007-09-18T03:29:00.001-07:00

تضامنا

مع

المهندس الاصلاحى / طارق جلال

طارق جلال

2007-09-14T12:05:00.000-07:00

أول مرة أكتب 2 بوست على المدونة فى يوم واحد
بس بجد مش قادر أستنى أكتر من كده
يوم الأحد اللى قبضوا على المهندس الاصلاحى الاخوانى طارق جلال
طبعا محدش عارف هو مين .. و كتير هيقولوا هو عشان يعنى انت عارفه تبقى تكلم عنه
مش هقول ان المهندس طارق من اكتر الناس اللى بحترمهم و بحترم عقلياتهم و طريقته الممنهجه فى التفكير ولو كان يوجد بعض الاختلافات التوجهية فى وسائل التفكير بيننا
مش هقول ان المهندس من الناس اللى بتعرف تقيم اللى ادامها و بتفهم بواطن الناس و مش سهل انه يقتنع بظاهر الانسان ولو كان براق
فكره راقى جدا .. عمله أرقى .. وتعاملاته من الرقى بمكان لا استطيع وصفه فعلا
سمعته .. و تكلمت معه .. و تحاورت معه .. و جادلته فى بعض الأمور .. و عملت معه
فى كل مرة كان هناك الجديد الذى يضاف الى شخصيتى و خأفكارى و خبراتى المتراكمة حولى
تم القبض عليه فى كمين و هو داخل المنصورة من سندوب .. و عرض على النيابة و حكمت له ب 15 يوم المعروفين الممطوطين بتاعة أهلهم دى لغاية ما تيجى تحرشات قصدى تحريات المباحث
معه الله .. ربنا يفك أسرك يا بشمهندس
ويعينك على الصيام والقيام فى القسم .. و حسبى الله و نعم الوكيل

كريم

2007-09-14T06:01:00.000-07:00

طبعا .. رمضان كريم .. و كريم على عيسى و الابراشى و حمودة و قنديل

كريم مش بس فى ثوابه أو عباداته أو طاعاته .. و مش كريم علينا احنا بس .. دهكريم برضه على الحكومة العبيطة المتخلفة اللى حاكمانا

بجد قرفنا من ريحتكوا اللى فايحة علينا من فوق .. ما طبعا عشان انتوا فوق .. بقدرة الخازوق اللى معليكوا فوق أوى

ايه .. زهقتوا شوية من الخوزقة و عايزين مسمار بس

انه حداد حمار ابن كلب اللى شار عليكوا بالشورة المطينة على دماغكم ودماغ اللى جابوا أهلكم

غيرتوا الخازوق بمسمار يريحكم

ايوه يا بهايم قصدى على عيسى والابراشى و حمودة و قنديل .. اللى كانوا مطلعين عين اللى جاب أبوكم .. وكل راجل فيهم معاه جرنان مجرسكم فيه .. وفاضحكم .. و مشمم الناس كلها ريحتكم القذرة اللى الدول اللى يعرفوكم مقرفوين من خلقتكم و من اليوم اللى عرفوكم فيها

انا قليل الأدب .. وماله انا قليل الأدب و سافل و منحط فى ظل عصركم الوسخ اللى ملوش ملامح

واحد مولود و كبر و اشتغل و الشيخ منصر الكبير لسه موجود و قارف اللى معاه و اللى تحته

متضايق من اللى بيكلموا بس .. طب دول ناس بيكلموا بأصول و أدلة و لياقة .. الفرضه أهيه خلاص سنحت للى بيفرشوا الملايات و الشرشحجية و للى لسانهم طويل

ربنا ينتقم منكم بحق ما انتوا فطرتونى بالشتائم دى عليكم .. بجد خسارة فيكم أى كلمة

خلاص الكلام خلص .. ما عدش الا الفعل

كل سنة و أنتم طيبين

ارضى يا بنى

2007-09-09T18:32:00.000-07:00

ارضى يا بنى .. انا نفسى أكون أحسن من اللى انا فيه

انها علاقة التناقض و التضاد و التعاكس بين المبادىء والأفكار .. سنة الحياة و غذاء الأعمار و ديدن الدنيا منذ وجدت و عرف لها طريق ينبعث من ميلاد الصبى المزعج حتى يصير يافعا ناضجا و يسبب الأزعاج أيضا

لا أريد أن أقول أن الرضا و القناعة خطأ .. لا طبعا و لكن نحن كمجموعة بشرية نقطن تلك المنطقة المسماة بالوطن العربى نحب دائما العيش فى الظل حيث الماء الوفير و الكلأ الكثير

نادرا ما يتمرد أحد الأشخاص على واقعه الذى يحياه منذ رأى نور الشمس فى بلده و يسعى لتغيير حياته وحياة الاخرين الى الأفضل .. وحتى عندما يبدأ فى المحاولة يواجه أقاويل جيدة جدا من العيار المحبط بطريقة رائعة و مبتكرة بطور الزمان منذ " هتروح فين يا صعلوك بين الملوك " لغاية " انت يعنى اللى هتصلح الكون

عموما انا هسيب لكم المقطع ده من فيلم العيال هربت قاطعه منه شوفوه كده الأول و بعدين رضوا .. و على مهلكوا

هما دقيقة ونص .. ارضوا

2007-08-29T22:44:00.000-07:00

وحدى .. فى ظلمة ليلى

واحد فيروز

2007-08-19T17:12:00.000-07:00

أعطنى الناى

هذا البوست الى حد ما خصوصى بعض الشيىء .. لأنه دائما عنما يتكلم الشخص عن المطرب المفضل له أو الموسيقى المحببة اليه يكون هو مقتنعا أشد الاقتناع بها و لا يقبل أن يخالفه أحد فى هذا الرأى و يندهش عندما يجد تعليقات تهاجم الى حد كبير رأيه فى الشخص المقرب اليه
لذا سأبعد عن تلك الناحية .. ناحية أنا احب شيىء أو لا فتلك كما قلت فى البداية هو أمر خصوصى ..ولكنى أتكلم عن الحالة أو الهالة أو الطاقة المشعة من جزيئات و ذرات صوتها الغريب الفريد الذكى الخارج من أعماق كهف طويل ملىء بالحدائق و فصول الشتاء والأمطار و زهور بيلسان المتفتحة على ربوع زهرة المدائن

رحلتى معها ليست بالطويلة لأقول أشياء كثيرة عنها و لكن تطور العصور يفرق .. فما سمعته فى هذه المدة منذ قررت سماعها يفوق ما يسمع فى عدة سنين دون ملل أو زهق أو تبرم

بدايتى معها كانت منذ 3 شهور فقط .. كنت فى مرحلة أريد العودة الى مرحلة تنظيف الأذن و جعلها تتجه الى السماع النظيف دون اسفاف أو تحقير او استهزاء بعقلك كبشرى أو اثارتك كحيوان اخر .. مع انى أعلم بالاختلافات الفقهية حول حكم سماع الأغانى

قصة حياة فيروز- والتى للعلم هى معاصرة لناحاليا وهى مقيمة فى الولايات المتحدة - متفردة و تحس الى حد ما ملفقة او تتعجب عندما تعلم أنها تزوجت من الملحن عاصى الرحبانى و التى ارتبطت موسيقاها بعد ذلك باسم عائلته (موسيقى الرحبانية ) و تعتبر موسيقى الرحبانية من أرقى الموسيقات الكلاسيكة الموجودة حتى الان و تشعر دائما كأن صوت فيروز ينبعث من القيثارة أو من أطراف الناى أو هى القيثارة نفسها و الناى الذى طلبته فى أغنيتها (أعطنى الناى و غنى

تخيلوا لو كل انسان عندما يتزوج من انسان اخر يحاول أن يبحث عن مواطن القوة عنده و عند شريكه و يحاولوا استغلالها معا لصنع عبقرية أخرى مثل فيروز و عاصى الرحبانى

الأغانى فى سن الثانوى عندى كانت أهم من أشياء أخرى كثيرة ما عدا النت طبعا .. كنت دائما متابع التطور يوميا و أسبوعيا بدون تمييز فى تلك المرحلة القلقة المتعجلة المتلهفة المستفتحه لأى شيىء و لأى جديد ولأى ممنوع مرغوب فيه فى هذا السن بالذات

ولكن عندما تقترب من النضج و الاستواء و الفهم الى حد كبيرو تقصر دور الأغانى من وجهة نظرى الخاصة على تليين الأعصاب من خلال الألحان والصوت الرخيم والممنوعات صرت أنت تحددها وفق لارائك الخاصة تستطيع عندها أن تميز و تختار و تقف و تحدد

وعندما تصل .. سأكافئك بواحدة (فيروز ) .. من عند الكشك اللى جنبنا

2007-08-14T12:08:00.000-07:00

حاول تبدأ تفكر من تانى

أحيانا بل فى معظم حياتنا بنقول على نفسنا ان احنا على صح و الباقى هو اللى غلط .. انا اللى فاهم كل حاجة وما عداى جاهل و عبيط و أهطل و ما يعرفش حاجة

اختيارى لشيىء معين و تنفيذى له هو القرار الصحيح دائما اما ما عداه فهو خطأ مائة بالمائة

ايمان غريب بأفكار قلما يندر الزمان بكثير منها .. ومع ذلك نتناطح من أجلها و نحاول أن نستولى لذاتنا منها ما تريده من شهوة ما أو فرحة خفية أو هوى باطن لاحراج الاخرين و الاختلاف عنهم

شيىء محير فعلا

عندك حوالى عشر مليارات نسمة فى العالم كل شخص منهم يعتق أنه الصحي و ماعداه خطأ .. وفق لمعتقداته أو أفكاره أو حتى طريقة تفكيره أو معلوماته .. ويحس لأن الله من عليه بنعمة ما أنه أفضل من غيره الغير مالكين لها

لايدرك لعل الذى لايملك النعمة التى تحت يده لو امتلكها ماذا سيصنع بها .. ربما يكون طريقة استغلاله لها أفضل منه بملايين المرات

مراجعة فكرية ذاتية ق تحتاج لساعات و أيام و أسابيع و ربما لشهور ويزداد طبعا وفقا لمقدار معلوماتك وخبراتك المتراكمة فوق بعضها البعض

المراجعة الفكرية الشاملة والعاصفة والصادقة والصريحة والغير مبالية بما سيحدث بعد ذلك بع نية عدم المداهنة و التميع و العولان على شخص أخر الى فضاء أرحب من هذا كله تمرح فيه بوسع عقلك و ايمانك بقدراتك الكامنة التى طالما حقرها الاخرون وحقرتها انت بارادتك الضعيفة الستسلمة المشوبة ببعض الحماسة التى كانت فى بعض الاحيان عنيفة

لا أدرى ..قد يكون كلامى محيرا الى حد ما أو غير مفهوم تقريبا .. لكن أظن ان من يحتاج الى هذه المراجعة من هواة العبث الفكرى و التشتت العقلى سيفهم ماذا أقصد

و لف و ارجع تانى .. وحاول .... وراجع قبل ما ورقة الاكتحان تتشال من ادامك وانت مش واخد بالك

2007-07-24T00:56:00.000-07:00

كان حلم

الكاريكاتير ده كنت راسمه من سنة .. وبجد انا كنت شاعر باحاسيس غريبة وانا بارسمه

منظر حلمى الى ان اموت ان ارى بلدى بيحصل فيها تغيير بجد .. من غير كلام كتير

مش عارف ده ممكن .. بس هيفضل الحلم موجود و مزروع جوايا

2007-07-07T05:41:00.000-07:00

اصبرووووووووووا

يا شعبى حبيبى يا روحى يا بيبى .. يا حطك فى جيبى يا ابن الحلال

ياشعبى يا شاطر يا جابر خواطر.... يا ساكن مقابر وصابر و عال

يا واكل سمومك يا بايع هدومك...... يا حامل همومك وشايل جبال

يا شعبى اللى نايم و سارح و هايم .. و فى الفقر عايم وحاله دا حال

احبك محشش مفرفش مطنش ودايخ........ مدروخ و اخر انسطال

لكن لو تفكر تخطط تقدر................. تشغلى مخك و تفتح جدال

وتبدأ تشاكل وتعمل مشاكل........... وتنكش مسائل وتسأل سؤال

هبهدل جنابك و ازل اللى جابك.... وهيكون عزابك ده فوق احتمال

هتقبل احبك هترفض هلبك ...........هتطلع هتنزل هاجيبلك جمال

نقلا عن جريدة الدستور

2007-06-14T04:14:00.000-07:00

ابقوا اسمعو الكلام

قلنا لكم ما ترشحوش .. ورشحتوا

قلنا لكم ما تنتخبوش .. وانتخبتوا

قلنا لكم هنزور .. ومصدقتوش

جتكوا الأرف

مصدعينا .. ومزهقينا فى عيشتنا

لازم يعنى الهيصة والزمبليطة اللى انتوا عملينها كده وخلاص

صورتوا التزوير وجه على الجزيرة

وايه يعنى

طظظظظظظظظظظظظظظظظظظظظظظظ

هى دى اول مرة

احنا بنخافش يا حبيبى

انتوا شكلكوا لسه جداد فى العزبة دى ياللى عايزين حرية وشفافية

اللى متعرفهوش بأه اللى احنا قاتلينهم ومتاوينهم من زمان

و حطينا الطوبة على قبرهم بالتعديلات الدستورية

واللى لسه عنده أمل

يقتله بنفسه

احسن نيجى نقتلهوله احنا و بقية اخواتها من الحاجات اللى مش كويسة دى

جتكوا داهية

مش كفاية حاكمينكوا

و مأكلينكوا

ومفقرينكم

ومعذبينكم

ومشردينكم

ومعتقلينكم

وبنضحك عليكم

عايزين ايه اكتر من كدة

فعلا شعب ياكل وينكر

جتكوا 60 مصيبة .. مليتوا البلد

2007-06-14T03:33:00.001-07:00

سلوك .. سلوك

هذا المنظر مألوف .. و معروف .. ومتعدد .. و مختلف .. و جديد .. و غريب .. و عجيب ...... كل هذا فى أن واحد
سلك وصلات الدشات يتدلى من الأسطح .. عارضا المتنوع من القنوات الفضائية شاملا الجزيرة و اقرأ و بقية القنوات الأخرى ( ولا مانع من وجود بعض قنوات الكليبات .. ليؤكد لك أهمية الوحدة الفضائية بعد ان تم هدم الوحدة الوطنية .. فيحيى المطرب المصرى مع اللبنانى مع الخليجى مع العراقى .. وليمتد للتعاون بينهم سلوك
سلووووووووووووووووك
سلك نت .. متدلى من الكابتن بتاع السويتش اللى سبب الهيصة و الشغل و الحالة اللى احنا فيها دلوقتى .. تخيلوا لو ما كانش فيه النت ال ADSL لسه ما نزلش كان الواحد هيعمل ايه
كان زمان الواحد لسه مرابط جنب النت بتاع التليفون ابو 0700 .. و تنام لو بتفتح موقع تقيل شوية .. وتجيب البطانية لو بتعمل DOWNLOAD كانت أيام جميلة بجد .. بس برضه كانت محتاجة سلك التليفون
سلوووووووووك
سلك سرقة الكهرباء .. ممكن محدش يعرف الموضوع ده كتير .. بس هتعرفه أكيد .. لما انت وكان استهلاكك فى الكهرباء مثلا 20 جنيه فجأه تلاقى فاتورتك بدأت تغلى مرة واحد وتوصل 100 جنيه ساعتها دور على كل وصلات الكهرباء بتاعت بيتك و أتاكد ان مفيش وصله خارجة بره البيت .. و اتحداك ان تلاقى اللى بقولك عليه ... فغالبا اللى بيعمل كده بيتحرى الدقة و الذكاء .. فخليك ذكى انت كمان .. و وانت بتبص على السلوك
سلووووك
التليفون .. هذا الجهاز العزيز الحبيب .. ابو ايد رهيبة تنقلك عبر أسلاكه الى اماكن تكسل تروحها و تكفى الاتصال بقضاء المصلحة .. فخلى بالك برضه لأن مش كل الحاجات تتقضى بيه .. لو عايز تصبح على فلان او تكلم حد من العيلة فانك تروحله أجمد بكتير من انك تتصل بيه وخلاص و تنقل العواطف عبر السلوك
سلووك
طبعا فى سلوك تانية كتير غير كده .. سلك الغسالة و الثلاجة و الراديو و الفيديو
مع كثرة هذه السلوك .. و تدخلها العميق و المتجذر فى حياتنا .. و رغم علمك انك ما عدتش تعرف تعيس بدون هذه السلوك فى هذه الدنيا .. لكن احنا بدأنا ننسى بجد سلوكنا بينا وبين بعض
السلوك الممتدة بيننا و بين بعض .. السلوك اللى هى موجودة اصلا .. او احنا اللى اوجدناها .. بداننا ننساها و بدأت تترب و من كتر التراب قربت تقع على الارض و ما عدتش هيبقى فى السلوك دى
وسلوكنا الحياتية المعتادة .. و كيف انها استمدت طباعها من تأثير السلوك السابق ذكرها .. فبدانا نستمرىء حياة الدعة والرفاهية المستطنعة .. وبدانا نحبها .. و نخدر نفسنا بوهم ان لم يعد ما هو افضل من هذا .. وان الافضل لى ان اعيش واموت فى ظل هذا النعيم و الجنة الدنيوية الموهومة .. وسلوكنا بدأ يتغير فعلا
كلنا بلا استثناء .. مع التفاوت فى التأثير و فى كيفية التأثير
ولكن فى الاخر ستظل .. سلوك
مجرد سلوك

2007-06-14T03:23:00.000-07:00

لأن ملائكة العذاب هيكونوا مشغولين عنى

كلمة رهيبة - بغض النظر عن صحتها الدينية - و لكن لا أخفى عليكم انها نزلت على رأسى كدش بارد مثلج فى يوم قائظ مشمس

من هذا الشخص الذى الاستطاع ان يفكر بتلك الطريقة .. والى اى مدى وصل اليه ضيق وحنقه

تعالوا أقولكوا الحكاية من أولها كان برنامج العاشرة مساء شغال و منى الشاذل متناولة موضوع الفقر فى مصر و طبعا عاملة تقرير محترم كما تعودنا منها وكانت مستضيفة وزير التضامن الاجتماعى وشوية ناس مش فاكرهم بصراحة

الحلقة دى كانت من حوالى اسبوع تقريبا

و بعدين خلص الرغى و الاستفسار والردود الجاهزة من الوزير و كانت هناك تحليلات لابأس بها من الضيوف

وتم فتح الاتصالات الخارجية و كأنما فتحت دشا ساخنا انصب حممه على الوزير .. و كان بأمانة شكله اصبح مش ولابد خالص

وكان الاتصال الأخير الاتصال الصاعقة بكل المقاييس انا هقولوا ليكم حرفيا .. ولى عودة بتعليق فى النهاية

المتكلم هو امام جامع - مقالش هو ساكن فين - و مرتبه 200 جنيه !! .. له ولاد فى الأزهر واحد منهم فى طب والتانى تقريبا فى هندسة ..و من كتر انه مش قادر على مصاريفهم .. قعدهم من التعليم

و قال انه كان أحسن من سيدنا داود - على حد قوله - لأنه سيدنا داود كان بيصوم يوم ويوم .. وهو وولاده كانوا بيصوموا كل يوم

وبعدين قال الكلمة الغريبة جدا - يا أستاذه منى .. انا نفسى أموت فى يوم يكون بيموت فيه مسئول كبير .. عارفة ليه .. عشان ملائكة العذاب هيكونوا مشغولين عنى

وساد الاستديو صمت ران لأربع ثوانى ختمته - منى الشاذلى - بجملتها المشهورة .. شكرا جزيلا يا استاذ ( ... )

تعليق يا سيادة الوزير طبعا كان التعليق من الوزير باهت جدا

انا من أكثر المدركين لفساد تلك الحكومة بنت ال .. .. وانها زلت ولادها و احتقرت الفقير منهم و غررت بهم بشقق موهومة .. و كادر اهطل لا يسمن ولا يغنى من جوع

بس فى نقطة يعنى الاستاذ ده يعنى مرتبه على اده كده .. ليه ما حاولش انه يشتغل شغلانة تانية .. يزود بيها مرتبه الهزيل مش عيب أبدا انك تكون امام و بتشتغل شغلانة تانية رحم الله سيدنا بلال بن رباح .. رغم انه مؤذن الرسول و لكن لم يمنعه هذا من العمل بالاضافة لأذانه الرائع

على فكرة يا جماعة احنا برضه سلبيتنا هى اللى مخلية الناس تعمل فينا كل ده و أكتر .. استخف قومه فأطاعوه

قول للظلم لا طبعا .. و فى نفس الوقت تفعل ما فى استطاعتك فعله من أجل تغيير واقعك المؤسف

بس على الرغم من كده
الجملة عجبتنى اوى .. دخلت دماغى اعمل ايه

2007-06-14T03:17:00.000-07:00

رنات .. مسجات .. أفلام .. أغانى .. مطربين .. ومطربات برضه ...ممثلين وممثلات برضه ..

قصص وروايات كلها مهن ووظائف مجندة لوظيفة واحدة

فلوس بتصرف و جهد بيتبذل و عرق بينزل عشان هدف واحد

كلمات حفظناها و ألفناها و اصلا عرفناها و فضلنا نحوشها عشان تتصرف فى الوقت الموعود

هل الحب حلال أم حرام

اذا كان الحب حرام فهل الكره هو الحلال

أظن لأ طبعا الحب حلال .. مين يقول غير كده

ربنا بذر فينا عاطفة الحب فى أرواحنا منذ ان ولدنا .. فتفتحت أعيننا على حب اصوات الطيور .. وحب شم روائح الورود العطرة .. وحب الطبيخ

برضه مين يقدر يقول انه عمر محبش قبل كده

محدش طبعا ناسى اول حب فى حياتك .. أول ايد حضنتك .. أول ايد قبلتك .. أمك

ناسى أول واحد حبك لشخصك وماكانش عايز منك حاجة .. صاحبك ناسى العجلة اللى انت كنت بتحب تركبها وعيطت أوى لما اتكسرت منك

مين يقدر يقول انه محبش قبل كده

مش عايز اهدف الموضوع .. او أخليه رخم .. بس يللا هكمله و اللى يحصل يحصل .. بصوا فى أعلى المدونة ( لا تقرأ هذا الهرااااااااء) انا قولتلكوا

ليه الناس اول ما بيتقال كلمة حب يروح علطول يقولوا اااااااااااه .. و يفكروا فى الحب بتاع الافلام العربى ( بتاع احمد ومنى )

هو الحب .. أو خلينا أعم شوية .. عاطفة الحب .. شاملة بس الحب بين الجنسين .. الولد و البنت بس او بين الرجل والمرأة المتزوجين حتى
فى رأيى .. الموضع اعم بكتير من كده
انت لما بتحب بيتك .. وبتحب كل حاجة فيه .. و متقدرش تبات بره كتير .. ده ميبقاش حب
لما صاحبك .. تزعل اوى لما يبطل يرن عليك ويطنشك ويسقع لك .. ده ميبقاش حب
لما شغلك بتموت فيه .. وبتحبه جدا لدرجة انك مابتحبش تروح بيتك من كتره الوله بيه .. ده مش يبقى اسمه حب
لما كان بنسمع عن مناجات رابعة العدوية لله عزوجل ..ده ما كانش حب انا فى رأييى ان احنا لازم نوسع مفهوم كلمة الحب دى شوية
الحب بيشمل كل حاجة
انت مقتنع بيها .. و بأهميتها ومكانتها عندك
الحب بيشمل حب الله و الوطن ( رغم الذل اللى انت عايش فيه ) و صديقك و فكرتك اللى انت عايش عشانها و هتموت بيها
اظن دى مكنتش غلطة الحب
دى غلطتنا احنا

2007-06-14T03:15:00.000-07:00

جسر الغباااااااااااااااااااااااااااااء

انا رايى فى الموضوع ده
ان لو كان الباشا ده كان هو رئيس حكومة اسرائيل ما كانش حافظ عليها أكثر وخاف عليها من الهوا الطاير -لايضربأمنها من اولمرت
ثم كمان معلش يعنى فى الكلمة .. قرار سعادته بالغاء هذا الجسر يدل فى رأيى على حاجتين مهمين جدا
أولا - الذكاء الخارق والغير عادى اللى بيتمتع به الاب الرئيس .. فلو كان من الوجهة الاقتصادية اللى نفسه تزيد عشان تنور وشه أدام شعبه و العالم فالجسر ده كان هيخلى شرم الشيخ- اللى سيادته قاعد فيها ليل نهار كأنها جنينة أهله و لا حديقة قصر العروبة - أقول كان هيخليها حاجة كده زى دبى .. لانها هتكون ملتقى الناس من والى مصر والسعودية .. ده غير موسم الحج
بس تقول ايه بأه
الحاجة التانية
ان (الباشا ) حس ان الدور الريادى لمصر بدأ يتسحب لصالح السعودية .. بعد اتفاق حماس و فتح فيها و مباحثاتها مع نجاد وشية (حبشتكانات ) من نظام صور يا مصور
فى الواقع هو لا كان فى ريادة ولا يحزنون .. دى كانت حاجة زى أحسن الوحشين او الشعرة اللى فى رأس الأقرع
أم البطانة السودا اياها قالتله .. ياباشا لو عملت كده انت خلاص سلمتلهم .. خد موقف واعمل كانك سيد قرارك
وربنا يشفى
ده ان دل على شيىء يدل انه النهايات قربت
وساعتها
هيتبنى كل الجسور المتأخرة
و هتنشق كل الممرات المائية اللى اقترحاها الباز من 25 سنة
و ربنا يسهل

2007-06-14T03:11:00.000-07:00

كلماتى النهاردة مختصرة
ليس معنى أن شاطىء البحر هادىء أنه يدل على سكون البحر
ولكن بداخل أعماق البحر أمواج عاصفة قوية أليمة تضرب فى الأحجار الموجودة محاولة هزها و كسرها للوصول بنفس قوتها للشاطىء
ولكن لم يحن الوقت بعد لكسرها ده عيب فى الأمواج طبعا

من أكثر ما يؤلمك صديق تحاول التودد اليه وهو يعرض عنك كأنك بالنسبة له مجرد ألة مجردة من الاحاسيس والمشاعر
اكسير الخلود
صعب الوصول اليه
و غريب وشاق الحصول عليه
وصعب أصلا التفكير فيه ولكن مفعوله أكيد
ومذاقه لا أجمل منه فى هذه الدنيا

2007-06-14T03:09:00.001-07:00

هل احنا .. احنا فعلا ؟؟
هو انا فعلا زى ما الناس بتقول على
هو انا فعلا من جوايا زى ما الناس عارفة عنى
هل انا بعمل حاجات و انا مش مقتنع بيها .. وابان ادام الناس انى من أشد الناس اقتناعا بيها
هل شخصيتك فى البيت هى هى اللى مع الشلة فى الجامعة هى هى الشخصية اللى مع أصحابك بتوع الجامع هى هى الشخصية مع ... ومع .. مع
عمرك حسيت انك عايش بأكتر من شخصية
لما تقول انك بتقول روبى وهيفاء من مطربى ال ( بالى بالك ) وما تتفرج مع عيلتك عليها و تعمل نفسك الخضرة الشريفة .. و لما تصادف وانت قاعد فى القهوة مع الشلة كليب ليهم تقعد تبحلق زى الموظف اللى فى الجزارة اخر الشهر
لما بتقول انك الصوت العالى .. ولما اخوك الصغير ينرفزك فى حاجة تشخط فيه وتقوله روح أجرى ياله بعيد
لما بتقول انك بتكره الشتائم والبذائات .. ولما تصدق كلمة مبارك .. أقل لفظ تقول عليه ده ابن سين كلب .. ( هو من حيث انه ابن ستين كلب فهو ابن 200 كلب مش ستين بس )
لما تقعد تقول وتزيد فى بر الوالدين .. وانت مابتكلمش أبوك الا عشان تاخد منه فلوس ولا تقوله انا خارج .. كأنه بنك أو مكتبة أو دفتر حضور وانصراف
لما تقعد تقول فى الغيبة والنميمة ياما قول قول .. وأول اللى كنت بتتكلم معاه يمشى تتكلم عنه .. ده عمل وسوى
مش عارف بس ساعات بحس اننا بناقض نفسنا جامد
هل احنا بقينا باكتر من وش
هل احنا فعلا قربنا نوصل لمرحلة النفاق
بجد الواحد بدأ يخاف
هو احنا هنتحاسب عن انهى شخصية بالظبط
انا حيران بجد

2007-06-14T03:05:00.000-07:00

لماذا ( عطاالله النديم ) ..هو ده اسم مدونة بالذمة

ترددت كثيرا قبل أن أصمم تلك المدونة
ربما كانت علاقتى بالمدونات أقدم من هذا
ولكنه الشعور أنه قد حان الوقت بالانتقال من ترحالك الأبدى فى بيوت الغير ..و أتأهل ويكون لى بيت خاص بى
أضع فيه ما يحلو لى
و أفكر فيه كما أحب
و أقتنى فيه كل ما أرغب
مع الاحتفاظ بحق الناس فى المرور على هذا البيت الذى بدأت فى بنائه حديثا
وفى الحقيقة
ومع شعور ان المدونة هى بيتى الثانى .. ان لم يكن الاول فى بعض الاحيان
فان اى شخص فى الحياة يحب بيته ولو لم يكن له زوار كثيرون
فسيظل هو بيتى و ملاذى و ملجئى ودارى
تردد عليه الناس أو لم يروه من الاصل
هذه واحدة
النقطة الثانية
لماذا ربطت المدونة بشخصية تاريخية .. و كمان شخصية مش كل الناس عارفينها .. أو عارفينها بس على خفيف .. زى كل ما تعرفه عن المسلة التى فى باريس
هو الموضوع مش ربط بشخصية .. أكتر منه ارتباط بحالة
حالة اتشديت ليها زى انشداد القماش للماء .. وكأنه لم يرى الماء طوال عمره
حالة حسيت انى مريت فعلا بحاجات من اللى مر بيها فى حياته العصيبة المتقلبة
حالة حسيت أنه فكره قريب .. وقريب جدا .. من فكر كنت بحلم بيه .. ولم أتصور ولو للحظو أنه قد مر عليهم فى هذه العصور الغابرة بأصول الاستبداد و الظلم الاصلى
حالة غريبة بتجمع بين التفكير العميق و التفكير الثورى والسخرية المريرة والنفى اكثر من مرة خارج بلاده و علاقته بالمصلحين فى زمنه ان لم يكن منهم .. و الرؤية الاجتماعية و فكر النهضة الذى كان متبنيه .. وانغماسه معظم الافكار التى كانت تموج بها بلاده ليرى منها الاصح .. و عدم ترفعه عن الحرب و تحريره لجريدته للشعب من داخل المعسكر فى التل الكبير
حالة تفخر أنك منتمى ليها و هى منتميه لبلدك و أمتك
حالة تقدر تفخر بيها بجد
و تستغرب من تقارب الاسماء
عبد الله .. عطاالله
ومين عارف

2007-06-14T03:04:00.000-07:00

عبد المنعم محمود .. واحد من الناس
وعشان هو بيحب الناس..
صوته اصبح عالي وضايق ناس ...
مش زي باقي الناس وممكن تقول انهم اصلا مش ناس...
اصل فيه ناس غير الناس وناس من الناس
!!!!

نقلا عن مدونة - أنا اخوان

2007-06-14T03:03:00.000-07:00

كوسة الاستفتاء من المنصورة

يوم عزاء الدستور .. ولا أراكم الله مكروه فى
عزيز لديكم

مع تحيا ت .. فريق معا بالمنصورة

2007-06-14T02:58:00.000-07:00

مدونة عطاالله النديم
بالتعاون مع فريق (معا) بالمنصورة
كليب كوسة يا عم الحاج

2007-06-14T02:57:00.000-07:00

عزبة مبارك .. كفاية ظلم بأه

مدونة عطاالله النديم .. بالتعاون مع فريق القناع الاسود

2007-06-14T02:50:00.000-07:00

عبد الله النديم

عبدالله النديم هنالك قاعدة في كتابة التاريخ قلّ عنها الشذوذ، هي أنّ التاريخ لم يُكتب من وجهة نظر الحكّام فحسب، بل إنّه لم تُؤرّخ الأحداث الكبرى إلاّ بمنظور سياسيّ ـ عسكريّ ضيّق يهتمّ برَجل اللحظة من وجهة دعائيّة صرفة.ووفقاً لهذه القاعدة، فقد احتلّ الدرجة الثانية من سِفر التاريخ الضخم رجالٌ، ربّما لو أُعيدت صياغة التاريخ وفق ضوابط أكثر موضوعيّة، لكانوا أحقّ وأجدر بتصدّر الدرجة الأولى من سواهم.ومن هؤلاء الرجال الأفذاذ: « عبدالله النديم » ودوره في تاريخ مصر والعالم الإسلاميّ في أواخر القرن الميلاديّ المنصرم.