اصبرووووووووووا
يا شعبى حبيبى يا روحى يا بيبى .. يا حطك فى جيبى يا ابن الحلال
ياشعبى يا شاطر يا جابر خواطر.... يا ساكن مقابر وصابر و عال
يا واكل سمومك يا بايع هدومك...... يا حامل همومك وشايل جبال
يا شعبى اللى نايم و سارح و هايم .. و فى الفقر عايم وحاله دا حال
احبك محشش مفرفش مطنش ودايخ........ مدروخ و اخر انسطال
لكن لو تفكر تخطط تقدر................. تشغلى مخك و تفتح جدال
وتبدأ تشاكل وتعمل مشاكل........... وتنكش مسائل وتسأل سؤال
هبهدل جنابك و ازل اللى جابك.... وهيكون عزابك ده فوق احتمال
هتقبل احبك هترفض هلبك ...........هتطلع هتنزل هاجيبلك جمال
نقلا عن جريدة الدستور
No comments:
Post a Comment