ابقوا اسمعو الكلام
قلنا لكم ما ترشحوش .. ورشحتوا قلنا لكم ما تنتخبوش .. وانتخبتوا
قلنا لكم هنزور .. ومصدقتوش
جتكوا الأرف
مصدعينا .. ومزهقينا فى عيشتنا
لازم يعنى الهيصة والزمبليطة اللى انتوا عملينها كده وخلاص
صورتوا التزوير وجه على الجزيرة
وايه يعنى
طظظظظظظظظظظظظظظظظظظظظظظظ
هى دى اول مرة
احنا بنخافش يا حبيبى
انتوا شكلكوا لسه جداد فى العزبة دى ياللى عايزين حرية وشفافية
اللى متعرفهوش بأه اللى احنا قاتلينهم ومتاوينهم من زمان
و حطينا الطوبة على قبرهم بالتعديلات الدستورية
واللى لسه عنده أمل
يقتله بنفسه
احسن نيجى نقتلهوله احنا و بقية اخواتها من الحاجات اللى مش كويسة دى
جتكوا داهية
مش كفاية حاكمينكوا
و مأكلينكوا
ومفقرينكم
ومعذبينكم
ومشردينكم
ومعتقلينكم
وبنضحك عليكم
عايزين ايه اكتر من كدة
فعلا شعب ياكل وينكر
جتكوا 60 مصيبة .. مليتوا البلد
1 comment:
انا علي فكره قريت معظم تدويناتك
وكلها بلا استثناء عاجباني
........
بالذات المواضيع دي
............
سلوك
اصبروووو
الموضوع بتاع اسم المدونه
والموضوع بتاع الشرطه
وعبد المنعم
......
ان شاء الله هكمل قرايه وتعليقات اول ما افضي
...واحييك عالمدونه ككل
ربنا يوفقك وتستمر
....
ملحوظه : ياريت تبقي تحط عناوين للمواضيع
عشان يبقي سهل البحث عن موضوع قديم
تحياتي
Post a Comment